Vijay Deverakonda reaction : साऊथ सिनेमा इंटस्ट्रीतील स्टार अभिनेता म्हणून ओळखल्या जाणारा अभिनेता विजय देवरकोंडाविषयी एक चिंतेत टाकणारी बातमी समोर आली होती. विजयच्या कारचा अपघात झाल्याची बातमी माध्यमांवर येऊन धडकली अन् मोठी खळबळ उडाली आहे. नुकताच विजय देवरकोंडा आणि रश्मिका मंदाना यांचा साखरपुडा झाला होता. त्यानंतर अपघाताची घटना घडल्याने त्याचे चाहते चिंतेत होते. अखेर विजय देवरकोंडाने अपघातविषयी पहिली प्रतिक्रिया दिली आहे. सोमवारी रात्री तेलंगणाच्या जोगुळंबा गडवाल जिल्ह्यात विजयच्या कारचा अपघात झाला. सुदैवाने या अपघातातून तो सुखरुप बचावला आहे. या अपघातात विजयच्या कारचे मोठं नुकसान झालं आहे. विजयची कार एका बोलेरो गाडीला धडकली. या धडकेमुळे अपघात झाला. विजयला या अपघातात कोणतीही दुखापत झालेली नाही. सर्वत्र विजय देवरकोंडच्या कारचा अपघात झाल्याची बातमी वाऱ्यासारखी परसली. यामुळे चाहते चितेंत होते, पण विजय सुखरुप असल्याची माहिती समोर आल्याने चाहत्यांनी सुटकेचा निश्वास सोडला. विजय देवरकोंडाने सोशल मीडियावर पोस्टर शेअर करत सुखरुप असल्याचं म्हटलं आहे. त्यावेळी नेमकं काय घडलं होतं ? याविषयी देखील त्याने पोस्टमध्ये लिहिलं आहे. गाडीला अपघात झाला, पण आम्ही सर्व ठीक आहोत. गेलो आणि स्ट्रेंथ वर्कआउट केला आणि आत्ताच घरी परतलो. डोक्याला थोडा मार लागलाय, डोकं दुखतंय, पण बिर्याणी आणि झोप काहीही बरं करू शकतं. म्हणून तुम्हा सर्वांना खूप खूप प्रेम. टेन्शन घेऊ नका..असं विजयने पोस्टमध्ये लिहिलं आहे. विजय-रश्मिका लवकरच विवाहबंधनात अडणार असून त्यांचा नुकताच साखरपुड्याचा कार्यक्रम पार पडला. पुढच्या वर्षी फेब्रुवारी २०२६ मध्ये हे दोघेही लग्न करणार असल्याची माहिती आहे. साखरपुड्याची बातमी माध्यमांत आल्यानंतर दोघांनी अधिकृतपणे मात्र यावर भाष्य केलेलं नाही. हेही वाचा : मोठी बातमी! तीन टप्प्यांत होणार मतदान; निवडणुकीचा कार्यक्रम कसा असणार? संभाव्य तारखांची अपडेट समोर, वाचा…
