Dattatray Gade । स्वारगेट बस स्थानक बलात्कार प्रकरणातील आरोपी मागील 70 तासांपासून पोलिसांना गुंगारा देत होता अखेर तो शुक्रवारी पहाटे दिड वाजता पोलिसांनी त्याला जेरबंद केले. शिरूर तालुक्यातील गुनाट गावातील कॅनालमध्ये तो लपला होता. स्वारगेट पोलिसांच्या तपास पथकाने त्याला शिताफीने पकडले. यावेळी ग्रामस्थांनीही पोलिसांना मदत केली. नातेवाईकाच्या घरी गेला होता तिथून माहिती मिळाल्यानंतर पोलिसांनी त्याला अटक केली. गावकऱ्यांच्या आणि पोलिसांच्या प्रयत्नाने दत्तात्रय गाडेच्या मुसक्या आवळण्यात आल्या. दत्तात्रय गाडेला बाहेर येण्यासाठी आवाहन करण्यात आले होते, त्यानंतर तो सापडल्याचे गुनाट गावच्या पोलीस पाटलांनी सांगितले. दत्तात्रय गाडे पाणी मागण्यासाठी येऊन गेल्याची माहिती मिळताच पोलिसांनी परिसरात गस्त घालत, डॉग स्कॉडच्या मदतीने त्याच्या अटकेची कारवाई पूर्ण केली. दत्तात्रय गाडे कशी झाली अटक ? Dattatray Gade । दत्तात्रय गाडे उसाच्या शेतात लपल्याची प्राथमिक माहिती पोलिसांना मिळाली होती. पोलिसांनी मध्यरात्री दीडच्या सुमारास त्याला अटक केली.ज्या शेतात दत्ता गाडेला शोधण्यासाठी सर्च ॲापरेशन सुरु होतं तिथं तो नव्हताच, तिथं तो सापडलाच नाही. दत्ता गाडे रात्री नोतेवाईक महेश बहिरटी यांच्या घरी साडे दहा वाजता आला. त्यानंतर तो आल्याची माहिती नातेवाईकांनी पोलिसांना दिली. दत्तात्रय गाडेने नातेवाईकांकडून पाण्याची बाटली घेतली. आणि माझी मोठी चुक झालीय, मला सरेंडर करायचं असं सांगून तिथुन निघुन गेला. त्यानंतर पोलीसांनी या घराच्या परीसरात दत्ता गाडेचा शोध सुरु केला. डॅाग स्कॅाड ही त्या ठिकाणी आणले. पोलीसांना त्याचा बदलेला शर्ट सापडला , त्याचा वास डॅाग स्कॅाडला दिला. त्याआधारे डॅाग स्कॅाडने पुढील रस्ता पोलीसांना दाखवला , पण गाडे ज्या ठिकाणावरून आला होता तिथे परतलाच नाही. तर तो नातेवाईकांच्या घराच्या परिसरात असलेल्या बेबी कॅनलमध्ये झोपून राहीला. याच ठिकाणी तो ग्रामस्थांना आढळला. ग्रामस्थांनी तो दत्ता गाडेच असल्याचं स्पष्ट केल्यानंतर पोलिसांनी तत्काळ ताब्यात घेतले. सध्या आरोपी दत्तात्रय गाडे स्वारगेट पोलिसांच्या ताब्यात आहे. यानंतर तपासाची पुढील प्रक्रिया सुरु करण्यात आलेली आहे. आत्महत्या करणार होता दत्ता गाडे ग्रामस्थाच्या दाव्यानुसार दत्ता गाडे आत्महत्या करणार होता, पण पोलिसांनी त्याला मोठ्या शिताफीने अटक केली. आरोपीची ससून रुग्णालयात पहाटेच वैद्यकीय तपासणी करण्यात आली असून त्याला आज सकाळी 11 वाजता शिवाजीनगर न्यायालयात हजर केले जाणार आहे. दत्तात्रय गाडे घटनेपासून तीन दिवस गुनाटमध्येच Dattatray Gade । दरम्यान, मंगळवारी पहाटे दत्तात्रय गाडेने स्वारगेट बसस्थानकात एका तरुणीवर बलात्कार केला होता. त्यानंतर दत्तात्रय गाडे शिरुर तालुक्यातील गुनाट या गावी गेला होता अशी माहिती आहे. पुणे पोलीस उपायुक्त निखिल पिंगळे यांनी या अटकेच्या कारवाईत गुनाट गावच्या नागरिकांनी यांनी देखील प्रचंड मेहनत घेतली असल्याचे सांगितले. पुणे पोलिसांनी दत्तात्रय गाडेला जिथून अटक केली तिथं काही कपडे आणि गोधडी देखील आढळून आल्याची माहिती आहे. दरम्यान, दत्तात्रय गाडे याला अटक केल्यानंतर स्वारगेट पोलीस स्टेशनला त्याचा जबाब नोंदवून घेतला जात होता. त्यानंतर त्याला ससून रुग्णालयात वैद्यकीय तपासणीसाठी नेण्यात आले होते. दत्तात्रय गाडेची वैद्यकीय तपासणी पूर्ण झाली असून त्याला सकाळी 11 वाजता शिवाजीनगर कोर्टात हजर केले जाणार आहे. हेही वाचा मोठी बातमी ! स्वारगेट प्रकरणातील आरोपी दत्तात्रय गाडेला मध्यरात्री अटक ; पुणे पोलिसांची मोठी कारवाई
