Sara Tendulkar: भारताचा महान क्रिकेटपटू सचिन तेंडुलकर यांची मुलगी सारा तेंडुलकर सोशल मीडियावर नेहमीच चर्चेत असते. तिच्या फॅशन स्टाइलपासून ते पारंपरिक लूकपर्यंत प्रत्येक अंदाज चाहत्यांचे लक्ष वेधून घेतो. आता साराने तिच्या पारंपरिक आणि रॉयल लूकने पुन्हा एकदा चाहत्यांची मनं जिंकली आहेत. पेस्टल ग्रीन रंगाची सुंदर बनारसी साडी, आकर्षक ब्लाउज आणि डायमंड ज्वेलरी अशा लूकमध्ये साराने काही फोटो सोशल मीडियावर शेअर केले आहेत.

साराने तिच्या इन्स्टाग्राम अकाउंटवर हे फोटो शेअर केले आहेत. या फोटोंमध्ये ती पेस्टल ग्रीन रंगाच्या बनारसी साडीत दिसत आहे. तिचा संपूर्ण लूक पारंपरिक सौंदर्य आणि आधुनिक फॅशन यांचा सुंदर मिलाफ वाटत आहे. या साडीला तिने ऑफ-व्हाइट रंगाचा कॉर्सेट-स्टाइल ब्लाउज परिधान केला आहे. साडी आणि ब्लाउजची ही जोडी साराच्या लूकला वेगळाच उठाव देताना दिसत आहे.

साराची ही सुंदर साडी कत्थन सिल्क बनारसी हँडलूमपासून तयार करण्यात आली आहे. तर तिचा ब्लाउज प्युअर सॅटिन सिल्क आणि ऑर्गेंजा सिल्कपासून तयार करण्यात आला आहे. साडी आणि ब्लाउजची ही खास डिझाइन तिल्फीने केली आहे. पारंपरिक बनारसी साडीला आधुनिक पद्धतीच्या ब्लाउजसोबत पेअर करून साराने फॅशनचा एक वेगळा अंदाज दाखवला आहे.

 

View this post on Instagram

 

डायमंड ज्वेलरीने वाढवली लूकची शोभा

साराने तिच्या साडीच्या लूकसोबत आकर्षक डायमंड ज्वेलरी परिधान केली आहे. तिने स्टेटमेंट डायमंड नेकलेस आणि त्याला मॅचिंग कफ ब्रेसलेट घातले आहे. गोलूभाई बडालिया डायमंडची ही ज्वेलरी तिच्या पारंपरिक लूकला रॉयल टच देताना दिसत आहे. साडी, ब्लाउज आणि डायमंड ज्वेलरीचा सुंदर मेळ तिच्या संपूर्ण लूकला खास बनवत आहे.

विशेष म्हणजे साराने या लूकमध्ये फारसा मेकअप केलेला नाही. तिने मिनिमल मेकअपला पसंती दिली आहे. त्यामुळे तिचा लूक साधा असूनही आकर्षक दिसत आहे. केसांचा लो बन करताना चेहऱ्याजवळ काही बटा मोकळ्या सोडण्यात आल्या आहेत. त्यामुळे तिच्या लूकला सॉफ्ट आणि एलिगंट टच मिळाला आहे.

Sara Tendulkar

या फोटोंमध्ये सारा हातात फुलांचा सुंदर गुलदस्ता घेऊन कॅमेऱ्यासमोर वेगवेगळ्या पोझ देताना दिसत आहे. तिच्या चेहऱ्यावरील स्मितहास्य आणि पारंपरिक लूक चाहत्यांना विशेष आवडला आहे. फोटो सोशल मीडियावर शेअर होताच चाहत्यांनी त्यावर कमेंट्सचा वर्षाव केला.

साराच्या या रॉयल बनारसी साडी लूकचे चाहते भरभरून कौतुक करत आहेत. तिचा साधा मेकअप, पारंपरिक साडी, डायमंड ज्वेलरी आणि हातातील फुलांचा गुलदस्ता यामुळे तिचा संपूर्ण लूक अधिकच सुंदर दिसत आहे. तिच्या या पारंपरिक अवताराने पुन्हा एकदा तिची फॅशन चॉइस चर्चेत आली आहे.