Hardik Pandya Mahika Sharma Marriage Rumors : भारतीय क्रिकेट संघाचा स्टार ऑलराउंडर आणि मुंबई इंडियन्सचा कर्णधार हार्दिक पंड्या सध्या त्याच्या वैयक्तिक आयुष्यामुळे प्रचंड चर्चेत आला आहे. हार्दिक पंड्या आणि त्याची गर्लफ्रेंड माहिका शर्मा हे दोघे याच महिन्यात लग्नबंधनात अडकणार असल्याचा दावा सोशल मीडियावरील अनेक रिपोर्ट्समध्ये केला जात आहे. या व्हायरल वृत्तामुळे क्रिकेट चाहत्यांमध्ये आणि सोशल मीडियावर एकच चर्चा सुरू झाली आहे. (Hardik Pandya Marriage) २२ मे रोजी उदयपूरमध्ये लग्न? (Hardik Pandya Marriage) सोशल मीडियावर वेगाने व्हायरल होत असलेल्या पोस्ट्सनुसार, हार्दिक पंड्या आणि माहिका शर्मा याच महिन्यांत २२ मे रोजी उदयपूर येथे लग्न करणार आहेत. हा विवाह सोहळा अत्यंत खाजगी पद्धतीने पार पडणार असून, यामध्ये केवळ दोन्ही कुटुंबीय, जवळचे नातेवाईक आणि काही मोजके मित्रच सहभागी होणार असल्याचे बोलले जात आहे. हार्दिकच्या या दुसऱ्या लग्नाची बातमी समोर आल्यापासून चाहत्यांकडून वेगवेगळ्या प्रतिक्रिया उमटत आहेत. मात्र, हार्दिक किंवा माहिका यांच्याकडून अथवा त्यांच्या मॅनेजमेंट टीमकडून या लग्नाबाबत कोणतीही अधिकृत माहिती समोर आलेली नाही. व्हायरल पोस्टमागील सत्य काय? (Hardik Pandya Marriage) Hardik Pandya and Mahieka Sharma are getting married on May 22 in Udaipur in a private ceremony❤️ pic.twitter.com/t3UUwITWSN — Amar💫 (@KUNGFU_PANDYA_0) May 15, 2026 हार्दिक आणि माहिकाच्या लग्नाची बातमी वाऱ्यासारखी पसरल्यानंतर, जेव्हा या व्हायरल पोस्ट शेअर करणाऱ्या सोशल मीडिया अकाउंटची बारकाईने चौकशी करण्यात आली, तेव्हा एक धक्कादायक वास्तव समोर आले. ही बातमी ज्या अकाउंटवरून व्हायरल झाली आहे, ते एक ‘पेरॉडी’ म्हणजेच बनावट (फेक) प्रोफाइल आहे. सोशल मीडियावर केवळ लाईक्स आणि व्ह्यूज मिळवण्यासाठी अधिकृत बातम्यांची नक्कल करून अशा अफवा पसरवल्या जात असल्याचे स्पष्ट झाले आहे. हेही वाचा – Kris Srikkanth Statement : “आता तुझी गरज नाही, तू जाऊ शकतोस…”, मुंबई हार्दिकला संघातून हाकलणार? माजी निवडकर्त्याचे खळबळजनक वक्तव्य नताशासोबत झालाय घटस्फोट – (Hardik Pandya Marriage) Hardik Pandya Set to Marry Again on May 22? 💍 Here is the shocking inside story behind Hardik Pandya’s sudden cricket absence and his rumored upcoming wedding! 🧵👇 – Mahieka was spotted constantly at the stadium during Hardik’s matches. – Hardik reportedly rushed straight to… pic.twitter.com/ziix8PP7TD — Cricket Central (@CricketCentrl) May 15, 2026 हार्दिक पंड्याच्या लव्ह लाईफबद्दल बोलायचे झाले तर, अभिनेत्री नताशा स्टॅनकोविकसोबत त्याचे २०२० मध्ये पहिले लग्न झाले होते. त्यांना एक मुलगाही आहे. मात्र, २०२४ मध्ये या दोघांचा घटस्फोट झाला आणि ते वेगळे झाले. सध्या ते दोघे मिळून मुलाचा सांभाळ करत आहेत. नताशापासून वेगळे झाल्यानंतर हार्दिकने माहिका शर्मासोबतच्या नात्याची कबुली दिली होती. चालू आयपीएल हंगामातही माहिका अनेकदा हार्दिकला पाठिंबा देण्यासाठी स्टेडियममध्ये उपस्थित राहिल्याचे पाहायला मिळाले आहे. Hardik Pandya Marriage
