संजय दत्त आणि मान्यता दत्त ही जोडी आज 11 फेब्रुवारी 2025 रोजी त्यांच्या लग्नाचा 17 वा वाढदिवस साजरा करत आहेत. दरम्यान, मान्यताने पती संजयला लग्नाच्या वाढदिवसानिमित्त खूप वेगळ्या पद्धतीने शुभेच्छा दिल्या आहेत. ज्यामुळे हे बी-टाऊनमध्ये या कपलविषयी चर्चा केली जात आहे. लग्नाच्या १७ व्या वाढदिवसानिमित्ताने मान्यताने तिच्या इंस्टाग्राम हँडलवरून खास संजय दत्तसाठी सुंदर पोस्ट शेअर केली आहे.

मान्यता दत्तसोबत लग्न केल्यानंतर संजू बाबाचे आयुष्य पूर्णपणे बदलले आहे. आज बी-टाऊनची सर्वात लोकप्रिय जोडपे म्हणून मान्यता आणि संजय दत्त यांच्याकडे पाहिले जाते. आज ही जोडी त्यांच्या लग्नाचा १७ वाढदिवस साजरा करत आहेत. संजय दत्त आणि मान्यता दत्त यांचा विवाह ११ फेब्रुवारी २००८ रोजी विवाह झाला होता.

‘जेव्हा तुम्ही एखाद्यावर खरोखर प्रेम करता तेव्हा तुम्ही त्यांच्यावर दुप्पट प्रेम करता!! जेव्हा आपण मी तुझ्यावर प्रेम करतो असे म्हणतो तेव्हा आपण खूप घाई करतो. त्यांचे दिसणे, त्यांचा वास, त्यांची चालण्याची पद्धत, त्यांची बोलण्याची पद्धत यामुळे आम्ही प्रभावित होतो. पण, काही महिन्यांनी किंवा वर्षांनंतर, त्या सर्वांवरून पडदा हटतो आणि मग तुम्हाला कळते की तुम्ही त्यांच्यावर किती प्रेम करता!’ अशी पोस्ट मान्यताने लिहिली आहे.

मान्यताने या पोस्टमध्ये पुढे लिहिले आहे की, ‘आपण ज्या व्यक्तीचा सामना करतो, ते जसे आहेत तसे राहू द्या… त्यांच्यामध्ये काही दोष असेल तर त्याच्यावरही प्रेम करा… प्रेम तेच आहे जे चांगले-वाईट पाहते आणि तुमच्यासोबत राहते… समजून घेणे आणि जाणणे म्हणजे प्रेम… जेव्हा तुम्ही म्हणता मी तुझ्यावर प्रेम करतो… तर ही प्रेम शक्ती बनते… माझे तुझ्यावर कायम प्रेम आहे @duttsanjay my knowing better half. या पोस्टमुळे मान्यता दत्त आणि संजय दत्त यांच्यातील नाते किती घट्ट आहे हे दिसते. ही पोस्ट तिने पती संजय दत्तला टॅग केली आहे.

संजूबाबा बागी ४ मध्ये

संजय दत्त हा हिंदी चित्रपटसृष्टीतील एक नावाजलेला अभिनेता आहे. इतकंच नाही तर तो त्याच्या चित्रपटांमुळे नेहमीच चर्चेत असतो. बॉलीवूड इंडस्ट्रीनंतर आता संजय दत्त दाक्षिणात्य चित्रपटांमध्ये खलनायकाच्या भूमिकेत धुमाकूळ घालत आहे. संजय दत्त लवकरच ‘बागी 4’ मध्ये दिसणार आहे. यामध्ये तो टायगर श्रॉफसोबत स्क्रीन स्पेस शेअर करणार आहे. हा बहुप्रतिक्षित ॲक्शन चित्रपट 5 सप्टेंबर 2025 रोजी थिएटरमध्ये रिलीज होणार आहे.