मुंबई – मराठमोळी अभिनेत्री हृता दुर्गुळे तरुण वर्गात फारच लोकप्रिय आहे. तिच्या सौंदर्याची अनेकांना भुरळ पडली आहे. आतापर्यंत तिने अनेक मालिकांमध्ये आणि चित्रपटांमध्ये काम केले आहे. ‘फुलपाखरु’ या मालिकेमुळे तिला खरी ओळख मिळाली. त्यानंतर तिने मोठ्या पडद्यावर देखील काम करण्यास सुरूवात केली. मागील वर्षी तिचा ‘ टाइमपास 3’ हा चित्रपट रिलीज झाला होता. यात ती एका डॅशिंग आणि बिनधास्त मुलीच्या भूमिकेत दिसली होती. सध्या ती सोशल मीडियाद्वारे चाहत्यांच्या संपर्कात राहत आहे.
हृता मोठ्या पडद्यावर फार दिसत नसली तरी सोशल मीडियावर सक्रिय असल्याचे दिसते. अनेक नामांकित ब्रँडसोबत सध्या ती कोलॅब्रेशन करत आहे. नुकतेच हृताने एका ब्रँडसोबत कोलॅब्रेशन केलं असून एक छानसा व्हिडीओ इन्स्टाग्रामवर शेअर केला आहे. या व्हिडीओमध्ये तिने हिरव्या रंगाची सुंदर साडी नेसली असून सुंदर दागिने घातले आहे. विशेष म्हणजे यावेळी तिचा लूक पाहून चाहते कमालीचे खूश झाले आहेत. या पारंपरिक लुकमध्ये ती फारच सुंदर दिसत आहे.
View this post on Instagram
View this post on Instagram
दरम्यान, काही महिन्यांपूर्वीच अभिनेत्री हृता दुर्गुळेचा प्रतीक शाहसोबत मोठ्या थाटात विवाह सोहळा पार पडला होता. प्रतिक हे हिंदी टेलिव्हिजन इंडस्ट्रीतील एक प्रसिद्ध नाव आहे. त्याने यापुर्वी बेहद 2, एक दिवाना था यासारख्या अनेक हिंदी मालिकांचं दिग्दर्शन केलं आहे. तर हृताने ‘दुर्वा’ या टेलिव्हिजन शोमधून अभिनय क्षेत्रात पदार्पण केले होते. त्यानंतर तिने ‘फुलपाखरू’, ‘मन उडू उडू झालं’ या मालिकांमध्येही काम केले आहे.
