निमोणे – नुकत्याच झालेल्या विधानसभा निवडणुकीत भाजपासह महायुतीला महाराष्ट्रात घवघवीत यश मिळाल्यानंतर माजी जिल्हा परिषद सदस्य राहुल पाचर्णे यांनी आज (दि २७) रोजी मुंबईत देवेंद्र फडणवीस यांची भेट घेत त्यांचं अभिनंदन केले. यावेळी माजी आमदार स्वर्गीय बाबुराव पाचर्णे यांच्या आठवणींना फडणवीस यांनी उजाळा देत स्वर्गीय पाचर्णे यांच्या नंतरही मी तुझ्या पाठीमागे भक्कम पणे उभा आहे असा विश्वास फडणवीस यांनी राहुल पाचर्णे यांना दिला. यावेळी झालेल्या चर्चे दरम्यान फडणवीस यांनी शिरुर-हवेली मतदारसंघाचा सविस्तर आढावा घेत महायुतीचा उमेदवार निवडुन आणल्याबद्दल राहुल पाचर्णे यांचे अभिनंदन केले. तसेच शिरुर तालुक्यातील विकासासाठी निधी कमी पडू देणार नाही असे आश्वासनही फडणवीस यांनी पाचर्णे यांना दिले. यावेळी शिरूर तालुका भाजपा युवा मोर्चाचे अध्यक्ष एकनाथ शेलार, भाजपा कामगार मोर्चाचे पश्चिम महाराष्ट्र प्रदेशाध्यक्ष दिलीप हिंगे तसेच युवा नेते प्रमोद दंडवते उपस्थित होते.
