Goldan modak : गणेशोत्सवाच्या पार्श्वभूमीवर नाशिकमध्ये लाडक्या गणपती बाप्पासाठी विविध प्रकारच्या मोदकांची मोठी मागणी पाहायला मिळत आहे. यंदा पारंपरिक उकडीच्या मोदकांसोबतच आकर्षक दिसणाऱ्या ‘सोनेरी मोदकां’ना नागरिकांकडून विशेष पसंती मिळत आहे.

गणपती बाप्पाला नैवेद्य म्हणून मोदक अर्पण करण्याची परंपरा असल्याने गणेशोत्सवाच्या काळात मोदकांना मोठी मागणी असते. त्यातच सोनेरी रंगाचा आकर्षक लूक असलेल्या या मोदकांनी ग्राहकांचे लक्ष वेधून घेतले आहे.

 

नाशिकमधील मिठाई आणि खाद्यपदार्थांच्या दुकानांमध्ये गणेशोत्सवासाठी विविध प्रकारचे मोदक उपलब्ध करून देण्यात आले आहेत. पारंपरिक चवीसोबतच नव्या स्वरूपातील मोदक खरेदी करण्याकडेही गणेशभक्तांचा कल दिसून येत आहे.

बाप्पाच्या नैवेद्यासाठी तसेच पाहुण्यांना प्रसाद म्हणून देण्यासाठी नागरिकांकडून मोठ्या प्रमाणात मोदकांची खरेदी केली जात आहे. त्यामुळे गणेशोत्सवाच्या काळात नाशिकमध्ये मोदकांच्या विक्रीलाही चांगलीच चालना मिळाली आहे.