Gold – Silver Rate Today : जागतिक बाजारातील घसरण आणि कच्च्या तेलाच्या किमतीत झालेली वाढ यामुळे सोन्या-चांदीच्या दरावर दबाव आला. राजधानी दिल्लीत मंगळवारी 99.9 टक्के शुद्धतेच्या सोन्याचा भाव 700 रुपयांनी घसरून 1 लाख 41 हजार 800 रुपये प्रति 10 ग्रॅम झाला. सोमवारी हा दर 1 लाख 42 हजार 500 रुपये होता.

चांदीच्या दरातही मोठी घसरण झाली. चांदीचा भाव 2 हजार रुपयांनी कमी होऊन 1 लाख 84 हजार रुपये प्रति किलो झाला. मागील दिवशी तो 1 लाख 86 हजार रुपये होता.

जागतिक बाजारातही सोन्याच्या दरात 1.04 टक्क्यांची घसरण झाली असून, सोने 3,905.44 डॉलर प्रति औंसवर आले. चांदीचा भावही 3 टक्क्यांहून अधिक घसरला.

तज्ज्ञांच्या मते, गुंतवणूकदारांकडून नफा वसुली झाल्याने सोन्यावर दबाव आला. मात्र, धनत्रयोदशी आणि दिवाळीच्या पार्श्वभूमीवर सोन्याच्या खरेदीला मागणी वाढल्यास देशांतर्गत दरांना आधार मिळू शकतो. अमेरिकेतील रोजगारविषयक आकडे आणि फेडरल रिझर्व्हच्या धोरणाकडेही गुंतवणूकदारांचे लक्ष आहे.

2026 मध्ये सोने-चांदीचे दर किती बदलले?

1 जानेवारी ते 3 नोव्हेंबर 2026 या कालावधीत 24 कॅरेट सोन्याचा दर ₹1,36,943 वरून ₹1,41,360 प्रति 10 ग्रॅम झाला. म्हणजे सुमारे ₹4,417 वाढ झाली. सोन्याचा वर्षातील उच्चांक 30 जानेवारीला ₹1,80,986 होता, तर नीचांकी दर 1 जानेवारीलाच होता.

चांदीचा दर 1 जानेवारीला ₹2,35,503 प्रति किलो होता. 3 नोव्हेंबरला तो ₹1,87,377 झाला, म्हणजे सुमारे ₹48 हजारांची घसरण. चांदीचा उच्चांक 29 जानेवारीला ₹3,82,002 तर नीचांकी दर 2 नोव्हेंबरला ₹1,84,356 होता.