Gold Rates । भारतात आजच्या घडीला सोन्याच्या दराने नवे उच्चांक गाठले आहे. ताज्या माहितीनुसार, मुंबईत 24 कॅरेट सोन्याचा भाव प्रति 10 ग्रॅम ₹98,000 च्या आसपास आहे, तर 22 कॅरेट सोन्याचा दर सुमारे ₹89,800 प्रति 10 ग्रॅम आहे. गेल्या दोन दिवसांत सोन्याच्या किमतीत सुमारे ₹2,000 ची वाढ झाली असून, आता सोनं ₹1,00,000 प्रति 10 ग्रॅमच्या शंभरीकडे झेप घेत आहे जीएसटीसह 97900 इतक्या विक्रमी उंचीवर Gold Rates । सोन्याच्या दरात पुन्हा मोठी वाढ झाल्याचं पाहायला मिळत असून, गेल्या 48 तासात दहा ग्रॅम चोवीस कॅरेट सोन्याच्या दरामध्ये दोन हजार रुपयांची वाढ होऊन, ते जीएसटीशिवाय दर 95000 हजार रुपये तर, जीएसटीसह 97900 इतक्या विक्रमी उंचीवर दर जाऊन पोहोचले आहेत. डोनाल्ड ट्रम्प यांनी चीन वर लागू केलेल्या 245 टक्के टॅरीफ दराच्या मुळे ही वाढ झाल्याचे म्हटले जात आहे. सोन्याचा 24 कॅरेटचा दर 8 एप्रिल रोजी 89,730 रुपये होता. सोन्याचे दागिने मोठ्या प्रमाणावर 22 करेटमध्ये बनवले जातात. या सोन्याचा 10 ग्रॅमचा दर 82 हजार 250 रुपये होता. त्यानंतर 12 एप्रिल रोजी 24vकॅरेटचा भाव वाढून 95,670 आणि 22 कॅरेटचा भाव 87,700 रुपयांवर गेला. बुधवारी (दि. 16) एका दिवसात 24 कॅरेट सोन्याचा 10 ग्रॅमचा भाव 990 रुपयांनी वाढून 96,170 रुपयांवर गेला. तर, 22 कॅरेटचा भाव 950 रुपयांनी वाढून 88,150 रुपयांवर पोहचला. सोने आणि चांदीवर तीन टक्के वस्तू आणि सेवा कर (जीएसटी) आकारला जातो. त्याप्रमाणात सोने आणखी महागते. त्यानुसार 22 आणि 24 कॅरेट सोन्याचा भाव 90,700 ते 99 हजार रुपये असा होता. अमेरिका-चीन टॅरिफ वॉरचा फटका Gold Rates । अमेरिका आणि चीनमध्ये सुरू असलेल्या टॅरिफ वॉरचा फटका हा जगाला बसत असून त्यामुळेच सोन्याच्या किमतीमध्ये सातत्याने वाढ होत आहे. गेल्या काही दिवसांपासून सोन्याच्या किमतीमध्ये सातत्याने वाढ होताना दिसत आहे.अमेरिकेचे अध्यक्ष डोनाल्ड ट्रम्प यांनी भारतासह अनेक देशांवर मोठा आयात शुल्क लावण्याचा निर्णय घेतला होता. त्यावेळी सोन्याच्या किमतीमध्ये काहीशी घट होऊन ती 87 हजारांच्या जवळपास गेली होती. पण नंतर चीन वगळता इतर सर्वच देशांवरील आयातकर हा 10 टक्क्यांवर करण्याचा निर्णय ट्रम्प यांनी केला. पण हा कालावधी फक्त 90 दिवसांपुरता आहे. त्यानंतर डोनाल्ड ट्रम्प काय निर्णय घेतील याचा अंदाज लावता येत नाही.
