Gold-Silver Rate : देशभरातील सराफा बाजारात सलग दुसऱ्या दिवशी सोन्याच्या किमतीत मोठी घसरण झाली असून, दागिने खरेदीची योजना आखणाऱ्या ग्राहकांसाठी ही दिलासादायक बातमी आहे. 3 जुलै रोजी 24 कॅरेट सोन्याचा सरासरी दर प्रति १० ग्रॅम १,४५,९०० रुपयांवर आला असून, कालच्या तुलनेत त्यात १,३६८ रुपयांची घट झाली आहे.

दिल्लीत १० ग्रॅम सोन्याचा भाव १,४५,६५० रुपये असून, १८ कॅरेट सोन्याची किंमतही घसरून १,०९,४२५ रुपयांवर आली आहे. लग्नसराईचा हंगाम संपल्याने मागणी कमी होणे, ग्राहकांकडून जुन्या सोन्याची वाढलेली विक्री, सरकारने सीमाशुल्कात केलेली वाढ आणि आंतरराष्ट्रीय बाजारात डॉलर मजबूत झाल्याचा परिणाम सोन्याच्या दरावर झाल्याचे मानले जात आहे.   (Gold-Silver Rate)

हेही वाचा : Top 10 News : महाराष्ट्रात पावसाचा धडाका! ते जूनचा 1500 रुपयांचा हप्ता कधी जमा होणार? वाचा टॅाप 10 न्यूज

दुसरीकडे, चांदीच्या किमतींमध्ये जोरदार तेजी दिसून आली असून, देशांतर्गत बाजारात प्रति किलो चांदीचा दर ३,०९१ रुपयांनी वाढून २.३२ लाख रुपयांवर पोहोचला आहे. आंतरराष्ट्रीय बाजारातही COMEX वर चांदी १.१२ टक्क्यांनी वधारल्याने चांदीच्या किमतींमध्ये सध्या मजबूत तेजी कायम असल्याचे चित्र आहे.  (Gold-Silver Rate)

यामागे काही महत्त्वाची कारणे खालीलप्रमाणे   (Gold-Silver Rate)

सोन्याच्या किमती घसरण्यामागे अनेक कारणे जबाबदार असल्याचे तज्ज्ञांचे मत आहे. लग्नसराईचा हंगाम संपल्याने दागिन्यांची मागणी कमी झाली असून, त्यामुळे सोन्याच्या दरांवर दबाव निर्माण झाला आहे.  (Gold-Silver Rate)

याशिवाय, सलग घसरत्या किमतींचा फायदा घेत अनेक ग्राहक जुने सोने विकू लागल्याने बाजारातील पुरवठा वाढला, तर मागणी तुलनेने कमी राहिल्याने दर आणखी खाली आले.

दरम्यान, केंद्र सरकारने सोन्यावरील सीमाशुल्क ६ टक्क्यांवरून १५ टक्क्यांपर्यंत वाढवल्यामुळे खरेदीचा वेग मंदावला असून, व्यापाऱ्यांनाही कमी प्रीमियममध्ये विक्री करावी लागत आहे.   (Gold-Silver Rate)

तसेच आंतरराष्ट्रीय बाजारात डॉलर मजबूत झाल्यानेही सोन्याच्या किमतींवर नकारात्मक परिणाम झाला आहे.

हेही वाचा : Ali Khamenei Funeral: चार महिन्यांनंतर होणार अली खामेनेई यांच्यावर अंत्यसंस्कार; रसायनांशिवाय मृतदेह कसा ठेवला सुरक्षित?