Gold became cheaper। सोने खरेदी करणाऱ्यांसाठी एक आनंदाची बातमी आहे. जवळजवळ आठवडाभर वाढ झाल्यानंतर, आज गुरुवारी सोन्याच्या किमतीत अचानक घसरण झाल्याचे पाहायला मिळत आहे. अमेरिकेने जपानसारख्या अनेक व्यापारी भागीदारांशी व्यापार करारांवर चर्चा केल्यामुळे सुरक्षित गुंतवणूक म्हणून सोन्याचे आकर्षण कमी झाले आहे. एकाच दिवसात किंमत ‘इतकी’ कमी झाली Gold became cheaper। बुधवारी, २४ कॅरेट सोन्याचा भाव १,०२,३३० रुपये प्रति १० ग्रॅम या नवीन उच्चांकावर पोहोचला. गुरुवार, २४ जुलै रोजी त्याची किंमत १,३६० रुपयांनी कमी होऊन १,००,९७० रुपये प्रति १० ग्रॅम झाली आहे. दरम्यान, सुमारे आठवडाभरापासून किमती वाढल्यामुळे व्यापाऱ्यांनी नफा कमावल्याने भारतातील सोन्याच्या किमतीही कमी झाल्या आहेत. ‘या’ मोठ्या शहरांमध्ये २४ कॅरेटचा आजचा भाव गुरुवारी भारतात सोन्याच्या किमतीत मोठी घसरण झाली. आज २४ कॅरेट सोन्याचा भाव प्रति १० ग्रॅम १,३६० रुपयांनी घसरून १,००,९७० रुपयांवर आला आहे. त्याच वेळी, २२ कॅरेट सोन्याची किंमत आज प्रति १० ग्रॅम १,२५० रुपयांनी कमी होऊन ९२,५५० रुपये प्रति १० ग्रॅम झाली आहे. त्याचप्रमाणे, १८ कॅरेट सोन्याचा भावही आज प्रति १० ग्रॅम १,०२० रुपयांनी कमी होऊन ७५,७३० रुपये प्रति १० ग्रॅम झाला आहे. मुंबई, चेन्नई, कोलकाता, बेंगळुरू, हैदराबाद, केरळ आणि पुणे यासारख्या शहरांमध्ये २४ कॅरेट सोन्याची किंमत प्रति ग्रॅम १०,०९७ रुपये आहे. त्याच वेळी, राजधानी दिल्लीत आज २४ कॅरेट सोन्याची किंमत प्रति ग्रॅम १०,११२ रुपये आहे. वडोदरा आणि अहमदाबादमध्ये २४ कॅरेट सोन्याची किंमत प्रति ग्रॅम १०,१०२ रुपये आहे. चांदीच्या किमतीतही घट Gold became cheaper। त्याच वेळी, जर चांदीच्या किमतींविषयी बोलताना दोन दिवसांच्या वाढीनंतर, त्याची किंमत देखील १००० रुपयांनी कमी झाली आहे. सध्या, भारतात १ किलो चांदीची किरकोळ किंमत १,१८,००० रुपये आहे. तर भारतात १०० ग्रॅम चांदीची किंमत १०० रुपयांनी घसरून ११,८०० रुपये झाली आहे.
