Shubman Gill and Sai Sudharsan Record : आयपीएल २०२६ च्या चालू हंगामात गुजरात टायटन्सची सलामीची जोडी शुबमन गिल आणि साई सुदर्शन आपल्या बॅटने धावांचा पाऊस पाडत आहे.सीएसकेविरुद्धच्या महत्त्वपूर्ण सामन्यातही या जोडीने मैदानावर चौफेर फटकेबाजी करत गुजरातला वादळी सुरुवात करून दिली. दोघांनी पहिल्या विकेटसाठी अवघ्या १२.२ षटकांत १२५ धावांची दणदणीत भागीदारी रचली. या ऐतिहासिक भागीदारीसह शुबमन गिल आणि साई सुदर्शन जोडीने आयपीएलच्या इतिहासातील सर्वात मोठ्या विक्रमांना गवसणी घातली असून, त्यांचे नाव आता या लीगच्या सर्वात यशस्वी जोड्यांमध्ये अव्वल स्थानी आले आहे. कोहली-डिव्हिलियर्सच्या क्लबमध्ये एन्ट्री! शुबमन गिल आणि साई सुदर्शन या जोडीने आयपीएलमध्ये सर्वात कमी डावांमध्ये १० शतकीय भागीदाऱ्या करण्याचा अवाढव्य विक्रम आपल्या नावावर केला आहे. विशेष म्हणजे, आयपीएलमध्ये सर्वाधिक शतकीय भागीदाऱ्यांच्या यादीत आता त्यांनी विराट कोहली आणि एबी डिव्हिलियर्स यांच्या दिग्गजांच्या जोडीची बरोबरी केली आहे. कोहली-डिव्हिलियर्स या जोडीला १० शतकीय भागीदाऱ्यांसाठी ७७ डाव लागले होते; परंतु गिल-सुदर्शन जोडीने हा भीमपराक्रम अवघ्या ४६ डावांमध्ये करून दाखवला आहे. New era. Elite company. Pure dominance 📈 Updates ▶️ https://t.co/p5TP9NLREX #TATAIPL | #KhelBindaas | #GTvCSK pic.twitter.com/Aw7YYeyINV — IndianPremierLeague (@IPL) May 21, 2026 सलामीवीर म्हणून धवन-वॉर्नर आणि हेड-अभिषेकला टाकले मागे – आयपीएलच्या इतिहासात सलामीची जोडी म्हणून सर्वात जास्त शतकीय भागीदाऱ्या करण्याचा नवा विक्रमही आता गिल-सुदर्शनच्या नावावर नोंदवला गेला आहे. सलामीवीर म्हणून ही त्यांची ७ वी शतकीय भागीदारी होती. या कामगिरीसह त्यांनी डेव्हिड वॉर्नर-शिखर धवन आणि ट्रॅव्हिस हेड-अभिषेक शर्मा या जोड्यांचा ६-६ शतकीय भागीदाऱ्यांचा विक्रम मोडीत काढला. हेही वाचा – Shubman Gill Record : विराट कोहलीचा रेकॉर्ड धोक्यात! चेन्नईविरुद्ध ६४ धावा कुटत ‘प्रिन्स’ शुबमन गिलने जागतिक क्रिकेटमध्ये माजवला हाहाकार ६०० पेक्षा धावा; दोघांमध्येच रंगली ‘ऑरेंज कॅप’ची लढाई Innings Break! A top effort from the top order takes #GT to a mammoth total 👊 Will #CSK chase it down and stay in hunt for the playoffs? Updates ▶️ https://t.co/p5TP9NLREX #TATAIPL | #KhelBindaas | #GTvCSK pic.twitter.com/0hskZ2R0xl — IndianPremierLeague (@IPL) May 21, 2026 गुजरात टायटन्सचा कर्णधार शुबमन गिल कप्तानीसोबतच फलंदाजीतही कमालीच्या फॉर्ममध्ये आहे, तर साई सुदर्शन त्याला तोडीस तोड साथ देत आहे. या चालू हंगामात या दोन्ही खेळाडूंनी वैयक्तिक ६०० पेक्षा जास्त धावा कुटल्या आहेत. सध्या आयपीएल २०२६ मध्ये सर्वाधिक धावा करणाऱ्या फलंदाजांच्या यादीत हे दोघे अनुक्रमे अव्वल दोन स्थानांवर विराजमान आहेत. त्यामुळे यंदाची ऑरेंज कॅप कोण जिंकणार, यासाठी या दोन सहकाऱ्यांमध्येच आता रोमांचक शर्यत सुरू झाली आहे. चालू मोसमात या दोघांशिवाय इतर कोणत्याही फलंदाजाला अजून ६०० धावांचा टप्पा ओलांडता आलेला नाही.
