Gibran Rakabuming: इंडोनेशियाचे उपराष्ट्रपती, गिब्रान राकाबुमिंग राका यांनी राजीनामा दिला आहे. संसदेच्या वरिष्ठ सभागृहाचे अध्यक्ष, अहमद मुझानी यांनी या राजीनाम्याला दुजोरा दिला आहे. माजी राष्ट्रपती जोको विडोडो यांचे पुत्र असलेल्या गिब्रान यांच्या शैक्षणिक पात्रतेवर प्रश्नचिन्ह उपस्थित करण्यात आले होते.

त्यांच्या राजीनाम्यामुळे, २०२९ मध्ये संपणाऱ्या कार्यकाळासाठी त्यांच्या उत्तराधिकाऱ्याच्या निवडीची प्रक्रिया सुरू झाली आहे. या प्रकरणाशी संबंधित सूत्रांनी सांगितले की, गिब्रान यांनी बुधवारी रात्री उशिरा राष्ट्रपती प्रबावो सुबियांतो यांना आपल्या निर्णयाबद्दल कळवले, जो राष्ट्रपतींनी स्वीकारला.

पुढे काय? Gibran Rakabuming: 

इंडोनेशियाच्या संविधानानुसार, उपराष्ट्रपती पद रिक्त झाल्यावर नवीन निवडणुका घेतल्या जात नाहीत. जोपर्यंत जन सल्लागार सभा राष्ट्रपतींनी नामनिर्देशित केलेल्या दोन उमेदवारांपैकी एकाची निवड करून नियुक्ती करत नाही, तोपर्यंत हे पद रिक्त राहते. ही प्रक्रिया ६० दिवसांच्या आत पूर्ण करणे आवश्यक आहे.

त्यांना राजीनामा का द्यावा लागला?

एपीच्या वृत्तानुसार, गेल्या महिन्यात सर्वोच्च न्यायालयाने असा निर्णय दिला होता की, राका यांनी त्यांच्या परदेशी शिक्षणासंदर्भात सादर केलेली कागदपत्रे निवडणुकीच्या आवश्यकता पूर्ण करत नाहीत. यानंतर, बुधवारी, आठ राजकीय पक्षांच्या १२० खासदारांनी संसदीय नेतृत्वाकडे एक याचिका दाखल केली, ज्यामुळे त्यांच्या महाभियोगास कारणीभूत ठरू शकणारी संसदीय प्रक्रिया सुरू झाली आहे.

सरकारवर काय परिणाम होईल? Gibran Rakabuming: 

२०२४ च्या निवडणुकीत प्रबोवो यांच्यासोबत जिब्रान निवडून आले होते. विडोडो यांच्यावर, निवडणुकीचे नियम बदलणाऱ्या न्यायालयाच्या निर्णयावर प्रभाव टाकून या प्रक्रियेत हस्तक्षेप केल्याचा आरोप होता, ज्यामुळे जिब्रान यांना निवडणूक लढवणे शक्य झाले.

अनेक वृत्तांनुसार, जिब्रान यांचा राजीनामा अशा वेळी आला आहे, जेव्हा प्रबोवो आणि विडोडो यांच्यातील दरी अधिकच रुंदावत आहे. यामुळे सरकार अधिक अस्थिर होऊ शकते, असे मानले जात आहे. सध्याचे सरकार आधीच घोटाळे आणि अर्थव्यवस्था सांभाळण्याच्या क्षमतेबद्दलच्या प्रश्नांशी झुंजत आहे.

तथापि, जोको विडोडो म्हणाले, “आम्ही राष्ट्राध्यक्ष प्रबोवो यांच्या प्रशासनाला, विशेषतः सर्वसामान्यांच्या हिताच्या कार्यक्रमांना, पाठिंबा देत राहू.”