Gen Z woman : लडाखच्या कारगिल जिल्ह्यात सुरक्षा दलांशी वाद घालणाऱ्या एका महिला पर्यटकाचा व्हिडिओ सोशल मीडियावर व्हायरल होत आहे. ही घटना मिनिमार्ग चेकपॉईंटजवळ घडल्याचे सांगितले जात आहे.

लष्करी हालचाली आणि सुरक्षेच्या कारणामुळे या मार्गावरील वाहतूक काही काळ थांबवण्यात आली होती. याच मुद्द्यावरून महिला पर्यटकाची सुरक्षा कर्मचाऱ्यांशी शाब्दिक बाचाबाची झाल्याचे व्हिडिओत दिसत आहे.

व्हिडिओमध्ये महिला पोलीस आणि सैनिकांशी संतापाच्या स्वरात बोलताना दिसते. ती सैनिकांकडे बोट दाखवत आपला आक्षेप नोंदवते. यावेळी ती, “सैन्याचा पगार आमच्या करातून दिला जातो,” असे म्हणताना ऐकू येते. तिच्या या वक्तव्यावर सोशल मीडियावर मोठ्या प्रमाणात प्रतिक्रिया उमटल्या असून, अनेकांनी सैनिकही कर भरतात, याची आठवण करून दिली आहे.

महिलेने स्वतःचा उल्लेख ‘Gen-Z’ असा करत, “आम्ही Gen-Z आहोत आणि हा मूर्खपणा सहन करणार नाही,” असेही म्हटल्याचे व्हिडिओमध्ये दिसते. तिने तेथे उपस्थित इतर पर्यटकांनाही नियमांचे पालन करण्याचे आवाहन केले. तसेच, “ते काश्मिरींना तुरुंगात टाकतात आणि आता पर्यटकांसोबतही तेच करत आहेत,” असा आरोपही तिने केल्याचे सांगितले जात आहे.

A soldier’s salary may come from the nation’s resources, but a soldier’s sacrifice comes from personal courage, family separation and the willingness to stand where most cannot. 🇮🇳
Taxes fund services. They do not purchase the right to disrespect those protecting them.

टैक्स देश… https://t.co/gGyD9ZULru

— Dr D Pillai (@DrDPillairz9) August 19, 2026

सुरक्षा कारणामुळे रस्ता बंद Gen Z woman :

मिनिमार्ग चेकपॉईंट परिसरातील वाहतूक सुरक्षेच्या कारणामुळे थांबवण्यात आली होती. या भागात लष्करी हालचाली सुरू असताना किंवा खराब हवामानाच्या परिस्थितीत काही मार्ग तात्पुरते बंद केले जाऊ शकतात. लडाख हा संवेदनशील सीमावर्ती प्रदेश असल्याने सुरक्षा दलांच्या सूचनांचे पालन करणे महत्त्वाचे मानले जाते.

विशेष म्हणजे, व्हिडिओमध्ये सुरक्षा कर्मचारी परिस्थिती शांतपणे हाताळताना दिसतात. महिलेच्या आक्रमक भूमिकेला त्यांनी आक्रमक प्रत्युत्तर दिलेले दिसत नाही.

 ‘सैनिकही कर भरतात’; माजी लष्करी अधिकाऱ्याची प्रतिक्रिया

या व्हिडिओवर प्रतिक्रिया देताना माजी लेफ्टनंट जनरल सतीश दुआ यांनी सोशल मीडिया पोस्टद्वारे महिलेच्या वक्तव्यावर नाराजी व्यक्त केली. “सैन्याचा पगार आपल्या करातून येतो” असे म्हणणे सैनिकांच्या त्यागाला कमी लेखणारे असल्याचे त्यांनी म्हटले. तसेच, लष्करी कर्मचारीही कर भरतात आणि लडाख हा संवेदनशील सीमावर्ती भाग असल्याचे त्यांनी नमूद केले.

लेफ्टनंट कर्नल एन. थियागराजन यांनीही सुरक्षा कारवाईदरम्यान रस्ता बंद करणे ही नियमांनुसार होणारी प्रक्रिया असल्याचे म्हटले. कर भरल्यामुळे कोणालाही सुरक्षा नियमांचे उल्लंघन करण्याचा अधिकार मिळत नाही, असे त्यांनी स्पष्ट केले.

सोशल मीडियावर जोरदार टीका Gen Z woman :

व्हिडिओ व्हायरल झाल्यानंतर अनेक सोशल मीडिया वापरकर्त्यांनी महिला पर्यटकाच्या वर्तनावर टीका केली. संवेदनशील सीमावर्ती भागात सुरक्षा दलांच्या सूचनांचे पालन करणे आवश्यक असल्याचे अनेकांनी म्हटले.

काही यूजर्सनी लडाखमध्ये लष्करी ताफ्यांना सहकार्य करण्याचे आवाहन केले. तसेच, खराब हवामान किंवा अडचणीच्या परिस्थितीत याच सुरक्षा दलांकडून पर्यटकांना मदत केली जाते, याचीही आठवण करून देण्यात आली.

या घटनेवर जम्मू-काश्मीरचे मुख्यमंत्री ओमर अब्दुल्ला यांनीही प्रतिक्रिया दिली. महिलेच्या वर्तनाची तुलना त्यांनी “माझे वडील कोण आहेत, हे तुम्हाला माहीत आहे का?”या मानसिकतेशी केली.

दरम्यान, या व्हिडिओनंतर Gen-Z, करदाते आणि लष्कराच्या त्यागावर सोशल मीडियावर जोरदार चर्चा सुरू झाली आहे. मात्र, व्हिडिओचा पूर्ण संदर्भ आणि घटनेची अधिकृत माहिती समोर येईपर्यंत सोशल मीडिया दाव्यांकडे सावधपणे पाहणे आवश्यक आहे.