Gautami Tadimalla : भाजपमध्ये तब्बल २५ वर्षे काम केल्यानंतर तमिळ अभिनेत्री गौतमी तडीमल्लाने (Gautami Tadimalla) पक्षाला रामराम केला आहे.  त्यांनी आज पक्षाचा राजीनामा दिला. त्यांच्या वतीने एक निवेदन जारी करण्यात आले असून, त्यामध्ये त्यांनी राजीनाम्याचे कारण दिले आहे.  पक्षाप्रती असलेल्या आपल्या बांधिलकीचा आदर करत तिला भाजपकडून कोणताही पाठिंबा मिळाला नसल्याचे गौतमी तडीमल्लाने (Gautami Tadimalla) म्हटले आहे.

गौतमी (Gautami Tadimalla) यांनी प्रसिद्ध केलेल्या निवेदनात,’आज मी माझ्या आयुष्यातील एका मोठ्या संकटाचा सामना करत आहे. मला पक्षश्रेष्ठींकडून पाठिंबा मिळालेला नाही. मला समजले आहे की मी अशा व्यक्तीला मदत करत आहे आणि पाठिंबा देत आहे ज्याने माझा विश्वासघात केलाच नाही तर माझ्या आयुष्याची कमाई देखील काढून घेतली. असल्याचे म्हटले आहे. हे सांगत असताना गौतमी यांचा रोख सी. अलगप्पन यांच्याकडे होता. सी. अलगप्पन एकेकाळी त्याचा जोडीदार होता.

Tamil Nadu | Actress and BJP leader Gautami Tadimalla resigns from BJP.

“…Today I stand at an unimaginable crisis point in my life and find that not only do I not have any support from the Party and leaders, but it has also come to my knowledge that several amongst them have… pic.twitter.com/gOYGw6bef0

— ANI (@ANI) October 23, 2023

अलगप्पनबद्दल अभिनेत्रीने सांगितले की त्याने तिची पैसे, मालमत्ता आणि कागदपत्रे घेऊन फसवणूक केली. ती म्हणाली की तिचा तामिळनाडू सरकार आणि न्यायिक विभागावर विश्वास आहे आणि ती स्वतःच्या आणि मुलाच्या भविष्यासाठी न्यायासाठी लढत आहे. गौतमीने त्यांच्या ओळखीच्या सी. अलगप्पन आणि त्यांची पत्नी नचल यांनी 25 कोटी रुपये आणि मालमत्तेचा गैरवापर केला असल्याचा आरोप करत सप्टेंबरमध्ये पोलिस तक्रार दाखल केली होती.

गौतमीने(Gautami Tadimalla)  सांगितले की, 2021 मध्ये तामिळनाडूच्या विधानसभा निवडणुकीदरम्यान भाजपने तिला राजापलायमची जागा देऊ केली होती. ही जागा आपल्याला देण्याचे आश्वासनही पक्षाकडून देण्यात आल्याचे ते म्हणाले. मात्र, शेवटच्या क्षणी जागा देण्यात आली नाही. या सर्व घटनांनंतरही ती पक्षाशी एकनिष्ठ राहिल्याचे तामिळ अभिनेत्रीने सांगितले. मात्र पक्षाकडून पाठिंबा न मिळाल्याने त्या तुटल्या.