Asia’s Richest Person : मुकेश अंबानींना मागे टाकून ‘हा’ उद्योगपती बनला आशियातील सर्वात श्रीमंत व्यक्ती

Asia’s Richest Person : भारतीय उद्योगपती गौतम अदानी यांनी व्यावसायिक दिग्गज मुकेश अंबानी यांना मागे टाकत आशियातील सर्वात श्रीमंत व्यक्ती होण्याचा मान पुन्हा एकदा मिळवला आहे. ‘बंदरे ते ऊर्जा’ अशा विविधांगी क्षेत्रांत विस्तारलेल्या अदानी समूहाच्या शेअर्समध्ये सातत्याने होणाऱ्या वाढीमुळे त्यांच्या एकूण संपत्तीत (Net Worth) मोठी भर पडली आहे. (Asia’s Richest Person)

ताज्या ‘ब्लूमबर्ग अब्जाधीश निर्देशांका’नुसार, गौतम अदानी यांची एकूण संपत्ती ९२.६ अब्ज डॉलर्सवर पोहोचली आहे. दुसरीकडे, मुकेश अंबानी यांची संपत्ती ९०.८ अब्ज डॉलर्स इतकी असून, अदानी आता भारत आणि आशिया खंडातील अव्वल श्रीमंत ठरले आहेत.

जागतिक स्तरावर अदानी सध्या १९ व्या क्रमांकावर आहेत. विशेष म्हणजे, जगातील पहिल्या ५० श्रीमंतांच्या यादीत स्थान मिळवणारे अदानी आणि अंबानी हे एकमेव भारतीय आहेत. (Asia’s Richest Person)

अदानी समूहाच्या यशाचे मुख्य गमक त्यांच्या वैविध्यपूर्ण व्यवसायात आहे. भारतातील सर्वात मोठे खाजगी बंदर नेटवर्क, नवीकरणीय ऊर्जा उत्पादन आणि खाजगी विमानतळ चालवणारा हा देशातील सर्वात मोठा समूह आहे.

तसेच कोळसा व्यापार, सिमेंट, संरक्षण, डेटा सेंटर्स आणि एफएमसीजी (FMCG) यांसारख्या क्षेत्रांतही समूहाचा दबदबा आहे. अदानी समूहाचे बाजारमूल्य २०० अब्ज डॉलर्सच्या पुढे नेणारे गौतम अदानी हे भारतातील पहिले ‘प्रथम-पिढीतील उद्योजक’ ठरले आहेत. (Asia’s Richest Person)

जागतिक क्रमवारीतील स्थिती (Asia’s Richest Person) एलन मस्क (टेस्ला/स्पेसएक्स): ६५६ अब्ज डॉलर्स (जगात पहिल्या स्थानी) लॅरी पेज (गुगल/अल्फाबेट): २८६ अब्ज डॉलर्स (दुसऱ्या स्थानी) जेफ बेझोस (अमेझॉन): २६९ अब्ज डॉलर्स (तिसऱ्या स्थानी) चढाओढीचा घटनाक्रम गेल्या काही वर्षांत अदानी आणि अंबानी यांच्यात अव्वल स्थानासाठी मोठी चढाओढ पाहायला मिळाली आहे. फेब्रुवारी २०२२ मध्ये अदानींनी प्रथमच अव्वल स्थान पटकावले होते, मात्र ‘हिंडेनबर्ग’ अहवालानंतर त्यांच्या समूहाच्या बाजारमूल्यात १०० अब्ज डॉलर्सची मोठी घट झाली आणि अंबानी पुन्हा एकदा पहिल्या स्थानी आले. तथापि, पायाभूत सुविधांचा विस्तार आणि ऊर्जा क्षेत्रातील गुंतवणुकीमुळे अदानी समूहाच्या शेअर्सने पुन्हा भरारी घेतली असून, त्यांनी आपले वर्चस्व पुन्हा प्रस्थापित केले आहे. (Asia’s Richest Person)