मुंबई – बँक ग्राहकांसाठी ही अतिशय महत्वाची बातमी आहे. अलाहाबाद बँक, ओरिएंटल बँक ऑफ कॉमर्स (OBC) आणि युनायटेड बँक ऑफ इंडिया (UBI) च्या ग्राहकांचे जुने चेकबुक पुढील महिन्यापासून म्हणजेच 1 ऑक्टोबर 2021 पासून अवैध ठरतील. म्हणजेच, तुम्ही तुमच्या जुन्या चेकबुकद्वारे कोणत्याही प्रकारचे पेमेंट करू शकणार नाही. म्हणूनच, जर तुमचे खाते देखील या बँकांमध्ये असेल तर तुमचे जुने चेकबुक तातडीने बदला. * ..म्हणूनच जुनी चेकबुक ठरतील अवैध ! 2019 मध्ये, अर्थमंत्री निर्मला सीतारामन यांनी सार्वजनिक क्षेत्रातील 10 बँकांचे चार मोठ्या बँकांमध्ये विलीनीकरण करण्याची घोषणा केली. एप्रिल 2020 मध्ये विलीनीकरण अंमलात आले. ओरिएंटल बँक ऑफ कॉमर्स आणि युनायटेड बँक ऑफ इंडिया 1 एप्रिल 2020 रोजी पीएनबीमध्ये विलीन झाले. आता दोन्ही बँकांच्या ग्राहकांपासून शाखेपर्यंत सर्व काही पीएनबीचे आहे. त्याचप्रमाणे अलाहाबाद बँकेचे इंडियन बँकेत विलीनीकरण झाले आहे. विलीनीकरणानंतर खातेदारांच्या आयएफएससी आणि एमआयसीआर कोडमध्ये झालेल्या बदलामुळे, ऑक्टोबर 2021 पासून बँकिंग प्रणाली जुना धनादेश अवैध ठरवेल आणि त्यातून कोणताही व्यवहार केला जाणार नाही. अधिक तपशीलांसाठी, ग्राहक त्वरित बँक शाखेला भेट देऊन नवीन चेकबुकसाठी अर्ज करू शकतात. * IFSC कोड काय आहे? NEFT, RTGS आणि IMPS द्वारे केलेल्या डिजिटल व्यवहारांसाठी भारतीय वित्तीय सेवा संहिता (IFSC) एक अद्वितीय 11-अंकी अल्फान्यूमेरिक कोड आहे. * MICR कोड काय आहे? मॅग्नेटिक इंक कॅरेक्टर रिकग्निशन (MICR) कोड नऊ अंकी आहे. हे इलेक्ट्रॉनिक क्लिअरिंग सिस्टीम वापरणाऱ्या बँक शाखा ओळखते. यात बँक कोड, खाते तपशील, रक्कम आणि चेक नंबर सारखे तपशील असतात. * ‘या’ बँकांचे विलीनीकरण कॅनरा बँक, बँक ऑफ बडोदा, देना बँक, विजया बँक, कॉर्पोरेशन बँक, आंध्र बँक, सिंडिकेट बँक, ओरिएंटल बँक ऑफ कॉमर्स, युनायटेड बँक ऑफ इंडिया आणि अलाहाबाद बँक यांचे इतर बँकांमध्ये विलीनीकरण करण्यात आले आहे. बँकांसाठी एनपीए ही मोठी समस्या आहे. बँकांचे विलीनीकरण NPA ची समस्या सोडवेल.
