BSP leader Mayawati | बसपा अध्यक्ष मायावती यांचा पुतण्या आकाश आनंद यांना पुन्हा पक्षात घेण्यात आले आहे. मार्चमध्ये मायावतींनी आकाश यांना राष्ट्रीय समन्वयक पदावरून हटवले, तसेच त्यांना पक्षातूनही काढून टाकण्यात आले होते. आकाश यांचे सासरे अशोक सिद्धार्थ यांच्या प्रभावाखाली आल्यानं त्यांची हकालपट्टी करण्यात आली होती.

मात्र ४१ दिवसांनंतर आकाश यांनी जाहीर माफी मागितल्यानंतर काही तासांतच मायावतींनी त्यांना आणखी एक संधी देण्याचा निर्णय घेतला. मात्र, मायावती यांनी आकाश आनंद यांना कोणती जबाबदारी देणार याचा खुलासा केलेला नाही.  आकाश आनंद यांची पक्षात पुनरागमन झाले असून आता बसपाने पुन्हा एकदा जोमाने कामास सुरुवात केली आहे.

आकाश आनंद यांच्या बसपातील पुनरागमनानंतर बुधवारी मायावती यांनी लखनऊ येथे उत्तर प्रदेश आणि उत्तराखंडातील पक्षाच्या पदाधिकाऱ्यांची मोठी बैठक बोलावली आहे, जी अत्यंत महत्त्वाची मानली जात आहे. BSP leader Mayawati |

आकाश पुन्हा बसपात उंच भरारी घेणार का? 

उत्तर प्रदेश आणि उत्तराखंडच्या नेत्यांसोबत लखनऊ येथे होणाऱ्या बैठकीत मायावती महत्त्वाचे मार्गदर्शन करू शकतात. पक्षाने सांगितले की, बैठकीत स्थानिक पातळीवरील तयारीचा आढावा, आतापर्यंत सोपवलेल्या प्रमुख संघटनात्मक कामांचा प्रगती अंदाज आणि जनतेत पक्षाची उपस्थिती मजबूत करण्यासाठी भविष्यातील रणनीती तयार करण्यावर सर्वाधिक लक्ष दिले जाईल. यावेळी मायावती पक्षाच्या पदाधिकाऱ्यांच्या उपस्थितीत आकाश आनंद यांच्याबाबत मोठा निर्णय घेऊ शकतात.

आकाश मायावती यांच्या मार्गदर्शनाखाली राहणार?

असे मानले जात आहे की, मायावती आकाश आनंद यांना आपल्या मार्गदर्शनाखाली ठेवून राजकारणाचे धडे शिकवतील. मायावती यांनी स्वतः म्हटले आहे की, आकाश यांचे सासरे अशोक सिद्धार्थ यांच्या चुका क्षम्य नाहीत, त्यांना माफ केले जाऊ शकत नाही, कारण त्यांनी गटबाजी सारख्या पक्षविरोधी गतिविधींसह आकाश यांचे करिअर उद्ध्वस्त करण्यात कोणतीही कसर ठेवली नाही.

अशोक सिद्धार्थ यांच्यामुळेच मायावती यांनी आकाश यांना पक्षातून काढले होते. त्यामुळे असे मानले जात आहे की, बुधवारी होणाऱ्या बैठकीत मायावती आकाश आनंद यांना नवीन जबाबदारी सोपवू शकतात, परंतु त्यांना पक्षातील दुसऱ्या नेत्यासोबत ठेवण्याऐवजी आपल्या मार्गदर्शनाखाली ठेवण्याचा निर्णय घेऊ शकतात. BSP leader Mayawati |

दरम्यान, आकाश आनंद यांना नवी संधी एका अटीवर मिळाली आहे. आकाश यांना सर्व वरिष्ठांचा आदर करावा लागेल आणि त्यांचे सासरे अशोक सिद्धार्थ यांच्या प्रभावाखाली न येता काम करावं लागेल या अटीवर त्यांना पुन्हा पक्षात प्रवेश मिळाला आहे.

आकाश आनंद उत्तर प्रदेशची कमान सांभाळणार का?

बसपाच्या युवा कार्यकर्त्यांचा मायावती यांच्यावर आकाश यांना परत घेण्यासाठी दबाव होता. दलितांमध्ये चंद्रशेखर आझाद आपले राजकीय पाय वेगाने पसरत आहे, ज्यामुळे दलित तरुणांचा झुकाव आजाद समाज पार्टीकडे वेगाने होत आहे. चंद्रशेखर यांची नजर उत्तर प्रदेशवर आहे, तर काँग्रेस आणि सपा हे पक्ष देखील दलितांच्या पाठिंब्याने उत्तर प्रदेशात आपली राजकीय जमीन मजबूत करण्यात गुंतल्या आहेत. BSP leader Mayawati |

बसपाची दलित मतपेढी पूर्णपणे घसरण्याच्या मार्गावर

बसपाचा उदय उत्तर प्रदेशातूनच झाला आणि राजकीय यशही उत्तर प्रदेशातच मिळाले. मायावती चार वेळा उत्तर प्रदेशच्या मुख्यमंत्री राहिल्या आहेत, परंतु 2012 नंतर बसपाचा राजकीय आलेख सातत्याने घसरत आहे. बसपाची दलित मतपेढी पूर्णपणे घसरण्याच्या मार्गावर आहे आणि मायावती यांचा स्वतःचा जाटव समाजही आता दुरावत आहे. अशा परिस्थितीत दलित तरुणांना जोडण्यासाठी मायावती यांनी पुन्हा आकाश यांना पक्षात आणले आहे.

आकाश आनंद यांना पक्षातून का हटवण्यात आले होते? 

२०१९ च्या लोकसभा निवडणुकीनंतर आकाश यांना पहिल्यांदा बसपाचे राष्ट्रीय समन्वयक म्हणून नियुक्त करण्यात आले होते. २०२४ च्या बसपाच्या लोकसभा मोहिमेची जबाबदारी त्यांच्यावर सोपवण्यात आली होती. असं असताना मे २०२४ मध्ये लोकसभा निवडणुकीदरम्यान सीतापूर इथे प्रचारादरम्यान शत्रुत्वाला प्रोत्साहन देण्याच्या आरोपाखाली गुन्हा दाखल झाला होता.

त्यानंतर पक्षविरोधी कारवाया केल्याच्या कारणामुळे आकाश यांना राष्ट्रीय समन्वयक पदावरून, तसेच राजकीय वारसदार म्हणून बेदखल करण्यात आले. ४७ दिवसांनंतर आकाश यांना दुसरी संधी देण्यात आली. मायावतींनी गेल्या जूनमध्ये त्यांना राष्ट्रीय समन्वयक आणि त्यांचे उत्तराधिकारी म्हणून पुन्हा नियुक्त केले.

मात्र आकाश यांचे सासरे अशोक सिद्धार्थ यांच्या प्रभावाखाली आल्यानं त्यांची हकालपट्टी करण्यात आली होती. मागच्या महिन्यात त्यांना समन्वयक पदावरून दुसऱ्यांदा काढून टाकण्यात आले होते. तसेच जोपर्यंत जिवंत आहे तोपर्यंत उत्तराधिकारी निवडणार नाही, असं मायावतींनी त्यावेळी जाहीर केलं होतं.  BSP leader Mayawati |

उत्तर प्रदेश आणि उत्तराखंड निवडणूकीकडे लक्ष 

उत्तर प्रदेशात 2027 मध्ये विधानसभा निवडणुका होणार आहेत. उत्तर प्रदेशातील ही निवडणूक बसपाचे राजकीय अस्तित्व वाचवणारी मानली जात आहे. त्यामुळे मायावती यांचे संपूर्ण लक्ष सध्या उत्तर प्रदेश आणि उत्तराखंडमधील 2027 च्या निवडणुकांवर आहे. मायावती यांनी बुधवारी उत्तर प्रदेश आणि उत्तराखंडच्या नेत्यांचीच बैठक बोलावली आहे. त्यामुळे असे मानले जात आहे की, आकाश आनंद यांना उत्तर प्रदेश आणि उत्तराखंडच्या राजकीय मैदानावर सक्रिय केले जाऊ शकते.

त्यामुळे सर्वांच्या नजरा मायावती यांच्या बैठकीवर टिकल्या आहेत. लखनऊ येथे होणाऱ्या या बैठकीत आकाश आनंद सहभागी होणार का? आणि मायावती आकाश यांच्याबाबत कोणता मोठा निर्णय घेणार क?  हे पाहणे महत्त्वाचे ठरणार आहे. BSP leader Mayawati |

हेही वाचा:  

ममतांचा केंद्रावर निशाणा ; म्हणाल्या,’बांगलादेशी घुसखोरांना का तेंव्हाच थांबवले नाही?’