सांगली – पार्टीमध्ये सिगारेट आणायला पाठवले असता ती आणायला ऊशीर झाला म्हणून दोघांनी कोयत्याने वार करून व डोक्यात दगड घालून एकाचा खून केला आहे. खून केल्यानंतर मृतदेहाचे तुकडे कुपणालिकेत टाकल्याचा धक्कादायक प्रकार घडला आहे. ही घटना मिरज तालुक्यातील भोसे या गावात घडली आहे.

दत्तात्रय झांबरे असे खून करण्यात आलेल्या युवकाचे नाव असून अमोल खामकर व सागर सावंत अशी आरोपींची नावे आहेत. मिरज ग्रामीण पोलीसांनी आरोपीस अटक केली आहे.

दत्तात्रय हा गायब असल्यामुळे त्याच्या कुटुंबीयांनी तो बेपत्ता असल्याची तक्रार पोलिसात दिली. अमोल, सागर व दत्तात्रय हे तिघं मित्र असून ते 28 जुलै एकत्र होते. मात्र तेव्हापासून दत्तात्रय गायब असल्याचे कुटुंबीयांना लक्षात आले.

दरम्यान पोलिसांना दत्तात्रयचा खून झाल्याची माहिती मिळाली असताना त्यांनी शोध घेणास सुरुवात केली असता त्याच्याच जवळच्याच मित्रांनी हा खून केले असल्याचे समोर आले. त्यावेळी दारू पिल्यानंतर शिवीगाळ केल्याचा मनात राग धरून खून केल्याचे तपासात समोर आले आहे.