Taiwan on Chinese Spy |  तैवानमध्ये अलिकडच्या काळात चीनसाठी हेरगिरी करणाऱ्या लोकांची संख्या वाढली असल्याचे तैवानने जाहीर केलेल्या अधिकृत आकडेवारीवरून स्पष्ट झाले आहे. बुधवारी तैपेई येथील जिल्हा न्यायालयाने चीनसाठी हेरगिरी केल्याच्या आरोपाखाली चार तैवानी सैनिकांना शिक्षा सुनावली आहे.

चीनसाठी हेरगिरी केल्याबद्दल दोषी आढळलेल्या चार तैवानी सैनिकांपैकी तीन तैवानच्या राष्ट्रपती कार्यालयाची सुरक्षा सांभाळणाऱ्या युनिटमधील होते आणि आणखी एक सैनिक तैवानच्या संरक्षण मंत्रालयाच्या माहिती आणि दूरसंचार कमांडमध्ये तैनात होता.

त्यांना देशाची गोपनीय माहिती लीक केल्याबद्दल आणि छायाचित्रे काढल्याबद्दल तुरुंगवासाची शिक्षा सुनावण्यात आली आहे. अधिकृत आकडेवारीनुसार, तैवानमध्ये घुसखोरी करण्याचा प्रयत्न करणाऱ्या चीनचे मुख्य लक्ष्य तैवानचे आजी आणि माजी सैनिकच असून त्यांचा वापर करून घेत तैवानमध्ये शिरकावाचा चीनचा प्रयत्न सुरू आहे. Taiwan on Chinese Spy |

देशाशी विश्वासघात झाला

तैवानचे अध्यक्ष लाई चिंग-ते यांनी लष्करी न्यायाधीशांना पुन्हा नियुक्त करण्याची घोषणा केल्यानंतर तैवान न्यायालयाने सैनिकांना शिक्षा जाहीर करण्याचे पाउल उचलले आहे हे उल्लेखनीय आहे. अध्यक्षांनी चीनसाठी हेरगिरी करणाऱ्यांच्या तसेच तैवानच्या लष्करी कर्मचाऱ्यांशी संबंधित प्रकरणांची सुनावणी करण्यासाठी लष्करी न्यायाधीशांना पुन्हा नियुक्त करण्याची योजना जाहीर केली होती. Taiwan on Chinese Spy |

त्यामुळेच आता देशाच्या राष्ट्रीय सुरक्षा कायद्याचे उल्लंघन केल्याबद्दल चार तैवान सैनिकांना शिक्षा सुनावण्यात आली आहे. त्यांच्या कृतींमुळे देशाशी विश्वासघात झाला आणि राष्ट्रीय सुरक्षा धोक्यात आली, असे तैपेई जिल्हा न्यायालयाने एका निवेदनात म्हटले आहे. Taiwan on Chinese Spy |

तुरुंगवासाची शिक्षा 

चार तैवानच्या सैनिकांनी गेल्या काही महिन्यांपासून चिनी गुप्तचर एजंट्सना दिलेली लष्कराची अंतर्गत माहिती गुप्त ठेवायला हवी होती. यासाठी त्यांना ५ वर्षे १० महिने ते १० वर्षांपर्यंत तुरुंगवासाची शिक्षा सुनावण्यात आली आहे. सैनिकांनी हे गुन्हे २०२२ ते २०२४ या काळात केले.

हेही वाचा:  

Uddhav Thackeray : “सौगात ए मोदी नाही, हा तर निर्लज्जपणा”; अधिवेशन संपताच उद्धव ठाकरेंचे सरकारवर ताशेरे