Manmohan Singh: माजी पंतप्रधान आणि काॅंग्रेसचे ज्येष्ठ नेते मनमोहन सिंग यांची प्रकृती खालावल्यानंतर गुरुवारी संध्याकाळी त्यांना दिल्लीतील अखिल भारतीय आयुर्विज्ञान संस्थेत (एम्स) दाखल करण्यात आले. 92 वर्षीय सिंह यांची प्रकृती चिंताजनक असल्याचे सूत्रांनी सांगितले. सिंग यांना हॉस्पिटलच्या आपत्कालीन विभागात दाखल करण्यात आल्याचे त्यांनी सांगितले.

VIDEO | Security beefed up outside Delhi AIIMS where former PM Dr Manmohan Singh was admitted earlier this evening. He is said to be in critical condition. pic.twitter.com/ae1IOKkyyH

— Press Trust of India (@PTI_News) December 26, 2024

एम्स प्रशासनाने अद्याप स्पष्टपणे काहीही सांगितलेले नाही. परंतु आपत्कालीन विभागातील एका डॉक्टरांनी सांगितले की, त्यांना अलर्ट मोडवर राहण्यास सांगितले आहे. त्यांना रुग्णालयात दाखल करण्याचे कारण सध्या समजू शकलेले नाही.

दरम्यान, रुग्णालयाबाहेर सुरक्षा वाढवण्यात आली आहे. काँग्रेसचे प्रदेशाध्यक्ष मल्लिकार्जुन खरगे कर्नाटकातील बेळगावीहून दिल्लीत परतत आहेत. मनमोहन सिंग यांची मुलगी एम्समध्ये उपस्थित आहे. खासदार डॉ. प्रियंका गांधी वाड्रा दिल्लीच्या एम्समध्ये पोहोचल्या आहेत. काही वेळात सोनिया गांधीही पोहोचणार आहेत.

#WATCH | Congress MP Priyanka Gandhi Vadra arrives at AIIMS, Delhi pic.twitter.com/4IRFy3AfsP

— ANI (@ANI) December 26, 2024

Manmohan Singh Death: माजी पंतप्रधान मनमोहन सिंग यांचे निधन, वयाच्या 92व्या वर्षी दिल्ली एम्समध्ये घेतला अखेरचा श्वास 

सूत्रांनी दिलेल्या माहितीनुसार, श्वास घेण्यास त्रास जाणवू लागल्यानंतर त्यांना एम्समध्ये नेण्यात आले जेथे त्यांच्यावर सध्या आयसीयूमध्ये उपचार सुरू आहेत. त्यांना पाहण्यासाठी प्रियांका गांधी एम्समध्ये पोहोचल्या आहेत. दुसरीकडे काँग्रेसने शुक्रवारचे सर्व कार्यक्रम रद्द केले आहेत. राहुल गांधी आणि मल्लिकार्जुन खरगे हेही बेळगावीहून दिल्लीला परतले आहेत.

डॉ. मनमोहन सिंग 2004 ते 2014 पर्यंत भारताचे पंतप्रधान होते. याआधी ते भारताचे अर्थमंत्री आणि वित्त सचिवही होते. नरसिंह राव यांच्या सरकारच्या काळात अर्थव्यवस्थेच्या उदारीकरणात त्यांची महत्त्वाची भूमिका असल्याचे मानले जाते.

मनमोहन सिंग : राजकारण आणि अर्थशास्त्राचे ‘पंडित’

डॉ. मनमोहन सिंग यांचा जन्म 26 सप्टेंबर 1932 रोजी अविभक्त भारतातील पंजाब प्रांतातील एका गावात झाला. 1948 मध्ये पंजाब विद्यापीठातून त्यांनी दहावीचे शिक्षण पूर्ण केले. त्यानंतर त्यांनी पुढील शिक्षण ब्रिटनच्या केंब्रिज विद्यापीठातून घेतले. 1957 मध्ये त्यांनी अर्थशास्त्रात प्रथम श्रेणीने पदवी प्राप्त केली. त्यानंतर 1962 मध्ये त्यांनी ऑक्सफर्ड विद्यापीठाच्या नूफिल्ड कॉलेजमधून अर्थशास्त्रात डी.फिल केले. डॉ. मनमोहन सिंग आणि त्यांच्या पत्नी श्रीमती गुरशरण कौर यांना तीन मुली आहेत.

भारताचे चौदावे पंतप्रधान, डॉ. मनमोहन सिंग हे त्यांच्या नम्रता, कठोर परिश्रम आणि कामाप्रती बांधिलकी यासाठी ओळखले जातात. मनमोहन सिंग 1971 मध्ये वाणिज्य मंत्रालयात आर्थिक सल्लागार म्हणून रुजू झाले. 1972 मध्ये त्यांची अर्थ मंत्रालयात मुख्य आर्थिक सल्लागार म्हणून नियुक्ती झाली. डॉ. मनमोहन सिंग यांनी अर्थ मंत्रालयाचे सचिव, नियोजन आयोगाचे उपाध्यक्ष, भारतीय रिझर्व्ह बँकेचे अध्यक्ष, पंतप्रधानांचे सल्लागार, विद्यापीठ अनुदान आयोगाचे अध्यक्ष म्हणूनही काम केले. मनमोहन सिंग 1991 ते 1996 पर्यंत भारताचे अर्थमंत्री होते. देशाच्या आर्थिक जडणघडणीसाठी हा काळ अत्यंत महत्त्वाचा होता.

डॉ.मनमोहन सिंग यांना अनेक सन्मान मिळाले –

डॉ.मनमोहन सिंग यांना अनेक पुरस्कार आणि सन्मानांनी सन्मानित करण्यात आले आहे. यापैकी महत्त्वाचे म्हणजे भारताचा दुसरा सर्वोच्च नागरी पुरस्कार पद्मविभूषण (1987); भारतीय विज्ञान काँग्रेसचा जवाहरलाल नेहरू जन्मशताब्दी पुरस्कार (1995); आशिया मनी अवॉर्ड फॉर फायनान्स मिनिस्टर ऑफ द इयर (1993 आणि 1994); वर्षातील वित्त मंत्री साठी युरो मनी पुरस्कार (1993) , केंब्रिज विद्यापीठाचा ॲडम स्मिथ पुरस्कार (1956); सेंट जॉन्स कॉलेज, केंब्रिज येथे विशिष्ट कामगिरीसाठी राइट पुरस्कार (1955) . डॉ.सिंग यांना जपानी निहोन केइझाई शिंबून आणि इतर संघटनांनी सन्मानित केले आहे. डॉ. सिंग यांना केंब्रिज आणि ऑक्सफर्ड आणि इतर अनेक विद्यापीठांनी मानद पदव्या बहाल केल्या आहेत.