Damien Martyn Coma : ऑस्ट्रेलियन क्रिकेट जगतातून एक धक्कादायक बातमी समोर आली आहे. २००३ च्या विश्वचषक विजेत्या संघातील महत्त्वाचा फलंदाज डेमियन मार्टिन याची प्रकृती अत्यंत खालावली असून तो सध्या रुग्णालयात मृत्यूशी झुंज देत आहे. ५४ वर्षीय मार्टिनला मेनिंजायटीस (मेंदूज्वर) झाल्याचे निदान झाले असून त्याच्यावर ब्रिस्बेनमधील रुग्णालयात उपचार सुरू आहेत. प्रकृती चिंताजनक, व्हेंटिलेटरवर उपचार – मिळालेल्या माहितीनुसार, मार्टिन गेल्या आठवड्याभरापासून आजारी होता. बॉक्सिंग डेच्या (२६ डिसेंबर) दिवशी त्याची प्रकृती अधिक बिघडल्याने त्याला तातडीने रुग्णालयात दाखल करण्यात आले. सध्या त्याला व्हेंटिलेटरवर ठेवण्यात आले असून, वैद्यकीय पथक त्याच्या प्रकृतीवर बारीक लक्ष ठेवून आहे. क्रिकेट विश्वातून प्रार्थनांचा ओघ – मार्टिनचा सहकारी आणि जवळचा मित्र अॅडम गिलख्रिस्ट याने या वृत्ताला दुजोरा दिला आहे. गिलख्रिस्ट म्हणाला, “त्याला सर्वोत्तम उपचार मिळत आहेत. त्याची पत्नी अमांडा आणि कुटुंब खंबीरपणे त्याच्यासोबत आहे. संपूर्ण क्रिकेट समुदाय त्यांच्या पाठीशी उभा आहे.” हेही वाचा – Afghanistan Squad : टी-२० विश्वचषकासाठी अफगाणिस्तानचा १५ सदस्यीय संघ जाहीर! ‘या’ खेळाडूकडे सोपवली धुरा तसेच, क्रिकेट ऑस्ट्रेलियाचे सीईओ टॉड ग्रीनबर्ग यांनीदेखील दुःख व्यक्त केले आहे. ते म्हणाले, “डेमियनच्या आजाराबद्दल ऐकून धक्का बसला. ऑस्ट्रेलियन क्रिकेट समुदायाच्या वतीने आम्ही तो लवकरात लवकर बरा व्हावा, अशी प्रार्थना करतो.” डेमियन मार्टिनची देदीप्यमान कारकीर्द – पदार्पण: वयाच्या २१ व्या वर्षी कसोटी पदार्पण (१९९२-९३). भारतातील कामगिरी: २००४ मध्ये भारतात ऐतिहासिक बॉर्डर-गावस्कर ट्रॉफी जिंकण्यात मोलाचा वाटा. त्या मालिकेत तो ‘मालिकावीर’ ठरला होता. एकूण धावा: आंतरराष्ट्रीय कारकिर्दीत २७९ सामन्यांत सुमारे १०,००० धावा. शतके: कसोटीत १३ आणि एकदिवसीय क्रिकेटमध्ये ५ अशी एकूण १८ आंतरराष्ट्रीय शतके. प्रथम श्रेणी: ५०९ सामन्यांत ५४ शतकांसह २३,००० हून अधिक धावांचा डोंगर. हेही वाचा – Ruturaj Gaikwad : कॅप्टन्सी इनिंग! ऋतुराजच्या शतकाने उत्तराखंडला नमवलं; महाराष्ट्राचा दिमाखदार विजय डार्विनमध्ये जन्मलेला हा उजव्या हाताचा फलंदाज आपल्या क्लासिक फलंदाजीसाठी ओळखला जातो. वयाच्या २३ व्या वर्षीच त्याने वेस्टर्न ऑस्ट्रेलियाचे नेतृत्व केले होते. सध्या जगभरातील क्रिकेट चाहते मार्टिनच्या प्रकृतीत सुधारणा व्हावी यासाठी प्रार्थना करत आहेत.
