आपल्यापैकी बरेच जण ब्राउझिंगसाठी गुगल क्रोम (Google Chrome) वापरतात. गुगल क्रोम वर सर्फिंग करणे हे इतर कोणत्याही ब्राउझरपेक्षा अधिक सुरक्षित आणि सोपे आहे. दुसरीकडे, बरेचदा असे दिसून येते की अनेक वेळा लोक त्यांचा लॉगिन आयडी आणि पासवर्ड विसरतात. अशा परिस्थितीत त्यांना काही महत्त्वाच्या ठिकाणी लॉग इन करताना अनेक समस्यांना सामोरे जावे लागते.

अशा परिस्थितीत, लॉगिन आयडी आणि पासवर्ड शोधण्यासाठी त्यांच्याकडे Forgot Id किंवा Forgot Password चा पर्याय आहे. तथापि, या प्रक्रियेस बराच वेळ लागतो. या पार्शवभूमीवर आज आम्ही तुम्हाला अशा प्रक्रियेबद्दल सांगणार आहोत, ज्याच्या मदतीने तुम्ही तुमचा हरवलेला लॉगिन आयडी आणि पासवर्ड पुन्हा सहज मिळवू शकता. चला त्याबद्दल जाणून घेऊया –

० हे जाणून घेण्यासाठी, तुम्ही प्रवेश करताना ज्या डिव्हाइसमध्ये तुमचा लॉगिन आयडी सेव्ह केला होता त्या डिव्हाइसवर तुम्हाला गुगल क्रोम ऍप उघडावे लागेल. गुगल क्रोम ऍप ओपन केल्यानंतर तुम्हाला प्रथम थ्री डॉट मेनूवर क्लिक करावे लागेल.

० तुम्हाला हा थ्री-डॉट मेनू वरच्या उजव्या बाजूला दिसेल. त्यावर क्लिक करावे लागेल. क्लिक केल्यानंतर तुमच्या स्क्रीनवर अनेक पर्याय दिसतील. या पर्यायांमध्ये, तुम्हाला सेटिंगचा पर्याय निवडावा लागेल.

० यानंतर तुमच्या स्क्रीनवर एक नवीन पेज उघडेल. येथे तुम्हाला पासवर्डचा पर्याय निवडावा लागेल. पासवर्ड पर्याय निवडल्यानंतर, तुम्ही क्रोम ब्राउझरमध्ये लॉगिन करताना सेव्ह केलेले सर्व लॉगिन आयडी आणि पासवर्ड तुमच्या स्क्रीनवर दिसतील.

० या प्रक्रियेच्या मदतीने तुम्ही फक्त तेच लॉगिन आयडी आणि पासवर्ड शोधू शकता, जे तुम्ही क्रोम ब्राउझरमध्ये सर्फिंग करताना सेव्ह केले आहेत. याशिवाय, इतर लॉगिन माहिती या प्रक्रियेद्वारे शोधली जाऊ शकत नाही.

विसरलेली लॉगिनची माहिती शोधण्यासाठी प्रक्रिया अगदी सोपी आहे. यामध्ये तुम्हाला कोणत्याही प्रकारच्या अडचणींचा सामना करावा लागणार नाही. या स्टेप्स फॉलो करून तुम्ही तुमचा विसरलेला पासवर्ड सहज शोधू शकता.