जवसाच्या बियां सुपरफूड म्हणून ओळखल्या जातात. यामध्ये केवळ पुष्कळ पोषक घटकच नसतात, तर निरोगी आरोग्यासाठी आवश्यक असणारे चांगले घटक देखील असतात.

जवसमध्ये ओमेगा 3 फॅटी अॅसिडस्, फायबर, प्रथिने, व्हिटॅमिन बी 6, मॅग्नेशियम, कॅल्शियम तसेच अँटी-ऑक्सिडंट गुणधर्म असतात. जे आपल्या निरोगी आयुष्यासाठी खूप महत्वाचे असतात.

तणाव काळात जवस खाल्ल्याने तणाव कमी होण्यास मदत होते. यामुळे सध्याच्या कोरोनाच्या काळामध्ये जवस खाणे फायदेशीर आहे. जवस कोलेस्ट्रॉल कमी करण्यास मदत करतात. दररोज जवस खाल्यास कोलेस्ट्रॉलची पातळी 6 ते 11 टक्क्यांनी कमी होऊ शकते. हे यामुळे शक्य आहे, कारण त्यात उच्च फायबर आणि लिग्निन घटक आहे.

जवस खाल्ल्याने नैसर्गिक पद्धतीने रक्तदाब कमी होतो. ज्यांनी 12 आठवड्यांपर्यंत दररोज जवस खाल्ले, त्यांचा रक्तदाब नियंत्रणाखाली होता. या बियांमध्ये मुबलक प्रमाणात पोटॅशियम असते. हे घटक रक्तवाहिनीच्या भिंतीवरील ताण कमी करण्यात मदत करतात आणि रक्तदाब नियंत्रित ठेवतात. जवसामध्ये इतर नट्सपेक्षा केवळ कॅलरी जास्त नसतात, तर त्यामध्ये बरेच पौष्टिक घटक देखील असतात. 100 ग्रॅम जलसामध्ये जवळपास 534 कॅलरी असतात.

एक चमचा जवसमध्ये 55 कॅलरी असतात. म्हणून जवस वजन कमी करण्यासाठी खूप फायदेशीर आहे. या लहान बियामध्ये भरपूर प्रमाणात फायबर असते. जे आपली भूक देखील भागवते. वजन कमी करण्यात जवस मदत करते. जवस खाल्ल्याने पचन क्रिया किंवा पित्त कमी करण्यासाठी मदत होते.

दातासाठी जवस फार गुणकारी आहे. हिरड्या मजबूत होण्यासाठी आणि दात दुखत असेल तर जवसचं तेल फायदेशीर ठरते. पाठ दुखीवर जवस खूप गुणकारी आहे. पाठ दुखत असेल त्याठिकाणी जवस कपड्यात बांधून ठेवावे. त्यामुळे नसा मोकळ्या होण्यास मदत होते आणि तुमची पाठ दुखी दूर होईल.

जवसाचं पीठ घेऊन त्याने छाती शेकली तर कफ पातळ होऊन तो बाहेर पडण्यास मदत होते. यामुळे तापाचे प्रमाण देखील कमी होईल.