मुंबई – नुकतंच नीता मुकेश अंबानी कल्चर सेंटरचा कार्यक्रम मुंबईत येथे पार पडला. ‘इंडिया इन फॅशन’ सुरु झालेला हा कार्यक्रम दोन दिवस चालला. दुसऱ्या दिवशी या इव्हेंटमध्ये अंबानी कुटुंबापासून ते बॉलिवूड सेलिब्रिटींपर्यंतचे अनेक व्हीआयपी लोक उपस्थित होते. यावेळी बॉलिवूडमधील अनेक स्टार्सने आपल्या अनोख्या शैलीत फॅशनची अदाकारी दाखवली.
या कार्यक्रमामध्ये अनेक सेलिब्रेटींचे डान्स परफॉर्मन्स देखील पार पडले. शाहरुख खानने तर रणवीर सिंग आणि वरुण धवनला त्याच्या ‘पठाण’ चित्रपटाच्या टायटल ट्रॅकवर डान्स करायला लावला. वरुणने हॉलिवूड अभिनेत्री गिगी हेडिडसोबत स्टेजवर डान्सही केला. यावेळी वरुणने गिगीला अक्षरशः उचलून घेत किस केले. वरुणाच्या डान्स परफॉर्मन्सचा हा व्हिडीओ सध्या चांगलाच व्हायरल होतोय.
यादरम्यान प्रियांका चोप्रा जोनस, गौरी खान, सुहाना खान, सोनम कपूर, आर्यन खान, श्रद्धा कपूर, जान्हवी कपूर, दिशा पाटनी ते सलमान खान आणि हॉलिवूड अभिनेत्री गिगी स्टार्स रेड कार्पेटवर दिसले.
नीता आणि मुकेश अंबानी यांच्या या आलिशान कार्यक्रमात देश-विदेशातील अनेक सेलिब्रिटींनी हजेरी लावली होती. अमेरिकन मॉडेल आणि फॅशन आयकॉन गिगीचा कार्यक्रमातील ग्लॅमरस अंदाज चर्चेचा विषय होता. तिचा लूक पाहून सगळेच अवाक् झाले. कारण भारतातील पहिल्याच कार्यक्रमात फॅशन क्वीन गिगी दिसून आली.
View this post on Instagram
कोण आहे गिगी हेडीड
गिगी ही एक अमेरिकन फॅशन मॉडेल आहे. जि फॅशन उद्योगातील सर्वात मोठ्या डिझायनर्स पैकी एक आहे. गिगीने वयाच्या दुसऱ्याच वर्षी मॉडेलिंगला सुरुवात केली होती. 1995 मध्ये जन्मलेल्या गिगीला फॅशनचा वारसा तिच्या आईकडून मिळालेला आहे. गिगीची आई देखील फॅशन हॉलिवूडच्या फॅशन जगतातील मोठी स्टार होती.