Sanjay Raut : राज्यात सरकारने घेतलेल्या हिंदी भाषेच्या सक्तीवरून मोठा विरोध करण्यात येत आहे. शिवसेना आणि मनसे या दोन्ही पक्षाने या निर्णयाविरोधात आवाज उठवला आहे. त्रिभाषा सूत्राविरोधात ठाकरे बंधू मैदानात उतरले आहेत. मनसे प्रमुख राज ठाकरे यांनी ५ जुलै, तर शिवेसना उद्धव बाळासाहेब ठाकरे पक्षाचा ७ जुलैला मोर्चा निघणार असल्याची घोषणा ठाकरे बंधूंनी केली होती. अशातच आता एक मोठी बातमी समोर आली आहे. महाराष्ट्रातील शाळांत हिंदीसक्ती विरोधात एकच आणि एकत्र मोर्चा निघेल, अशी घोषणा उबाठाचे संजय राऊत यांनी केली आहे. याबाबतची पोस्ट त्यांनी एक्सवरून शेअर केली आहे. यामुळे ठाकरे बंधू या मोर्चाच्या निमित्ताने एकत्र येणार असल्याचे निश्चित मानले जात आहे. ठाकरे बंधूंचे दोन वेगवेगळे मोर्चे एकाच दिवशी काढण्यासाठीचे प्रयत्न सुरु होते. तसेच वेगळा मोर्चा काढण्यासाठी 5 जुलैच्या मोर्च्यात सहभागी व्हावे, यासाठी प्रयत्न केले जात होते. अखेर आता दोन वेगवेगळे नाहीतर एकच मोर्चा निघणार असल्याची घोषणाच संजय राऊत यांनी केली आहे. त्यांनी शेअर केलेल्या ट्वीटमध्ये उद्धव आणि राज ठाकरे यांचा एकत्रित फोटो शेअर केला आहे. जय महाराष्ट्र! “There will be a single and united march against compulsory Hindi in Maharashtra schools. Thackeray is the brand!” @Dev_Fadnavis @AmitShah pic.twitter.com/tPv6q15Hwv — Sanjay Raut (@rautsanjay61) June 27, 2025 राज ठाकरे सकारात्मक मराठी भाषेपुढे कोणीही छोटं-मोठं नाही, सगळ्यांनी एकत्र आले पाहिजे. यासाठी राज ठाकरे सकारात्मक आहेत, आम्ही सगळे सकारात्मक आहोत. 5 जुलै रोजी हा मोर्चा एकत्रितपणे निघेल, अशी माहिती मनसेचे नेते संदीप देशपांडे यांनी एका वाहिनीसोबत बोलताना दिली आहे. आजचा सामना आज २७ जून २०२५ रोजीचा सामाना हा अंक अत्यंत बोलका आहे. ठाकरे बंधूंचा आजूबाजूला फोटो छापून हिंदी सक्ती आणि त्रिभाषा सूत्र विरोधी आंदोलनाची बातमी देण्यात आली आहे. आजच्या अंकातील पहिल्याच पानावर उद्धव ठाकरे यांच्या शेजारीच राज ठाकरे यांची “राज ठाकरे यांनी दादाचा भुसा केला” अशी हेडिंगसोबत बातमी छापून आली आहे. हेही वाचा : “जल शिंपडून शुद्ध केलं त्यानंतर कथा का ऐकली नाही?…” ; इटावा घटनेवर अविमुक्तेश्वरानंद भडकले
