FIFA World Cup 2026 India Broadcast Rights Deal : फिफा (FIFA) वर्ल्ड कप २०२६ चा थरार सुरू होण्यास अवघे ३ आठवडे शिल्लक राहिले आहेत. याच दरम्यान भारतीय फुटबॉल चाहत्यांसाठी एक अत्यंत आनंदाची आणि सकारात्मक बातमी समोर आली आहे. गेल्या अनेक दिवसांपासून भारतात या फुटबॉलच्या महाकुंभाच्या प्रसारणाबाबत (Broadcasting Rights) सुरू असलेली अनिश्चितता आता पूर्णपणे संपुष्टात आली आहे. पडद्यामागे सुरू असलेल्या प्रदीर्घ आणि गुंतागुंतीच्या चर्चेला अखेर यश आले असून, भारतासाठीचे प्रसारण हक्क अंतिम टप्प्यात पोहोचले आहेत. पुढील आठवड्यात याची अधिकृत घोषणा होण्याची दाट शक्यता आहे. २८० ते ३३५ कोटींचा ऐतिहासिक करार! सूत्रांनी दिलेल्या खात्रीशीर माहितीनुसार, भारतातील प्रसारणाचा हा मेगा करार ३० ते ३५ दशलक्ष अमेरिकन डॉलर्स, म्हणजेच भारतीय चलनानुसार सुमारे २८० ते ३३५ कोटी रुपयांच्या दरम्यान झाला आहे. भारत ही सध्या जगातील सर्वात झपाट्याने वाढणारी क्रीडा बाजारपेठ आहे. त्यामुळे व्यावसायिक दृष्टिकोनातून फिफासारख्या बलाढ्य संघटनेला भारताकडे दुर्लक्ष करणे परवडणारे नव्हते. ही भारतातील आतापर्यंतची सर्वात मोठी फुटबॉल ब्रॉडकास्टिंग डील मानली जात आहे. 🚨 FIFA WORLD CUP IN INDIA 🇮🇳🚨 🔺Good news for Indian football fans!!! 🔺The wait is finally over. Negotiations are complete, and the official announcement for the FIFA World Cup 2026 broadcasting partner in India is expected next week! 🇮🇳 🔺Now you can watch the football… pic.twitter.com/6ulstyg0xI — Indian Cricket (@IPL2025Auction) May 23, 2026 ४८ संघ आणि १०४ सामने; यंदाचा वर्ल्ड कप सर्वात मोठा! यंदाचा २३ वा फिफा वर्ल्ड कप ११ जून ते १९ जुलै २०२६ या कालावधीत अमेरिका, कॅनडा आणि मेक्सिको या तीन देशांमधील १६ शहरांमध्ये आयोजित केला जात आहे. यंदाच्या विश्वचषकाचे सर्वात मोठे वैशिष्ट्य म्हणजे, पहिल्यांदाच ३२ ऐवजी ४८ संघ यात नशीब आजमावणार आहेत. यामुळे एकूण सामन्यांची संख्या ६४ वरून थेट १०४ वर पोहोचली आहे. त्यामुळे हा इतिहासामधील सर्वात मोठा वर्ल्ड कप ठरणार आहे. मध्यरात्रीचे सामने, तरीही भारतात क्रेझ कायम! 20 DAYS UNTIL THE START OF THE WORLD CUP! 🏆pic.twitter.com/LmUHbKZLzG — FIFA World Cup 2026 (@WorldCupMedia) May 22, 2026 जरी भारतीय पुरुष फुटबॉल संघाची आंतरराष्ट्रीय रँकिंग १३६ आणि महिला संघाची ६९ अशी समाधानकारक नसली, तरी भारतात फुटबॉलची लोकप्रियता अफाट आहे. २०२२ च्या कतार वर्ल्ड कपदरम्यान भारतातील तब्बल ७४.५ कोटी लोकांनी डिजिटल आणि टीव्हीवर सामन्यांचा आनंद घेतला होता. हेही वाचा – ICC Rule Changes : आयसीसीचा मास्टरप्लॅन! चालू सामन्यात बदलणार चेंडूचा रंग; क्रिकेटचे ‘हे’ ४ मोठे नियम बदलणार यंदा अमेरिकेच्या टाईम झोनमुळे (Time Zone) बहुतांश सामने भारतीय वेळेनुसार मध्यरात्री १२:३० नंतर सुरू होतील. एकूण १०४ सामन्यांपैकी केवळ १४ सामने भारतीय चाहत्यांना मध्यरात्रीपूर्वी पाहता येतील. असे असूनही, भारतीयांची फुटबॉलची क्रेझ पाहून ब्रॉडकास्टर्सनी हा कोट्यवधी रुपयांचा मोठा जुगार खेळला आहे.
