Jiya Shankar engagement photos : प्रसिद्ध अभिनेत्री जिया शंकर (Jiya Shankar) हिने तिच्या आयुष्यातील नव्या प्रवासाला सुरुवात केली आहे. जियाने सोशल मीडियावर एक खास पोस्ट शेअर करत साखरपुड्याची आनंदाची बातमी चाहत्यांसोबत शेअर केली.

“जेव्हा तुम्ही प्रेमाची अजिबात अपेक्षा करत नसता, तेव्हाच ते तुमच्या आयुष्यात येतं,” असे भावनिक शब्द लिहित तिने तिच्या होणाऱ्या जोडीदाराची पहिली झलक चाहत्यांना दाखवली.

जियाच्या होणाऱ्या नवऱ्याचं नाव करण असून, साखरपुड्याचे काही फोटो तिने सोशल मीडियावर पोस्ट केले आहेत. एका फोटोमध्ये करण एका गुडघ्यावर बसून जियाला प्रपोज करताना दिसत आहे, तर दुसऱ्या फोटोत जिया तिची एंगेजमेंट रिंग फ्लाँट करताना पाहायला मिळते.

या फोटोंमध्ये जियाच्या हातातील आकर्षक ‘ओव्हल-कट’ डायमंड रिंग आणि त्याला साजेसा डायमंड बँड विशेष चर्चेचा विषय ठरला आहे. जियाच्या या पोस्टनंतर चाहत्यांसह अनेक सेलिब्रिटींनी तिच्यावर शुभेच्छांचा वर्षाव केला आहे.

 

View this post on Instagram

 

A post shared by Jiyaa Shankar (@jiyaashankarofficial)

जियाने पोस्टमध्ये नेमकं काय म्हटलं आहे?

“कदाचित हे खरं असावं की, जेव्हा आपण अजिबात अपेक्षा करत नसतो तेव्हाच आपल्याला प्रेम मिळतं; पण या बाबतीत देवाने माझ्या संयमाची खरोखरच मोठी परीक्षा घेतली. हे सोपं नव्हतं, पण तरीही ते सहज घडत गेलं. तू माझ्यापासून हजारो मैल दूर असूनही, तुझ्याशी झालेली प्रत्येक चर्चा मला एखाद्या ‘घर’च्या उबेसारखी वाटायची.” अशा शब्दांत आपल्या भावना तिने व्यक्त केल्या.

पुढं ती म्हणाली “हा प्रवास सोपा नव्हता, पण आम्ही दररोज एकमेकांची साथ निवडली. ज्या प्रेमाची मी आयुष्यभर वाट पाहिली, ते प्रेम तू मला दिलं. माझ्या सर्वात कठीण दिवसांतही तू मला हसवलंस.” असं म्हणत जियाने होणाऱ्या नवऱ्यावर प्रेम व्यक्त केलं.

इंन्स्टाग्राम पोस्टमध्ये जियाने एक आठवणही शेअर केली. ती म्हणाली “विमानतळावर निरोप घेताना तू मला नेहमीच थोडं घट्ट मिठीत घ्यायचास – जणू काही तुझं हृदय हजारो तुकड्यांत विभागलं जातंय. जगात कुठेही असलो, तरी ‘घर’ म्हणजे एखादी जागा नव्हती; तर ‘घर’ म्हणजे तूच होतास.”

पुढं पोस्टच्या शेवटी जिया म्हणते “तुझ्यासोबतचं आयुष्य हे नक्कीच एका साहसी प्रवासासारखं आहे आणि माझ्यासाठी तो एक आवडता ‘रोमँटिक-कॉमेडी’ (rom-com) चित्रपट आहे. तुझ्यासोबत माझं संपूर्ण आयुष्य घालवण्यासाठी आणि तू जसं माझ्यावर प्रेम केलंस, तसंच आयुष्यभर तुझ्यावर प्रेम करण्यासाठी मी खूप उत्सुक आहे.”

Udhayanidhi Stalin on Trisha: उदयनिधी स्टालिन-तृषा वादामुळे पुन्हा चर्चेत ‘कुरुवी’; १८ वर्षांपूर्वी विजय-तृषाच्या या चित्रपटाची निर्मिती केली होती उदयनिधींनी