Murugan Panavila Death : मल्याळम चित्रपटसृष्टीतून एक अत्यंत दुःखद बातमी समोर आली आहे. लोकप्रिय अभिनेते मुरुगन पनाविला (Murugan Panavila)  यांचं वयाच्या अवघ्या ४६ व्या वर्षी निधन झालं. २५ जुलै रोजी त्यांनी अखेरचा श्वास घेतला. आपल्या अभिनयाच्या जोरावर प्रेक्षकांच्या मनात स्थान निर्माण करणारे मुरुगन आता आपल्यात नसले, तरी त्यांच्या जाण्यानंतरही त्यांनी केलेलं एक कार्य अनेकांच्या आयुष्यात आशेचा किरण ठरलं आहे.   (Murugan Panavila Death)

मुरुगन पनाविला यांनी मृत्यूनंतर अवयवदानाद्वारे तब्बल पाच जणांना नवजीवन दिलं. मिळालेल्या माहितीनुसार, २१ जुलै रोजी कोझिकोडमधील वडाकारा येथे एका नाटकाच्या रिहर्सलदरम्यान त्यांना अचानक ब्रेन हेमरेज झाला आणि ते रंगमंचावरच कोसळले. या घटनेनंतर त्यांना तातडीने जवळच्या रुग्णालयात दाखल करण्यात आलं. त्यानंतर अधिक उपचारांसाठी तिरुवनंतपुरम येथील सरकारी रुग्णालयात हलवण्यात आलं. डॉक्टरांनी त्यांना वाचवण्यासाठी शर्थीचे प्रयत्न केले, मात्र उपचारादरम्यान २५ जुलै रोजी दुपारी त्यांची प्राणज्योत मालवली. त्यांच्या निधनामुळे मल्याळम चित्रपटसृष्टीवर शोककळा पसरली आहे.  (Murugan Panavila Death)

कुटुंबाने घेतला निर्णय   (Murugan Panavila Death)

या कठीण प्रसंगी मुरुगन यांच्या कुटुंबीयांनी मोठा आणि प्रेरणादायी निर्णय घेतला. त्यांनी त्यांच्या अवयवदानाला संमती दिली. त्यानंतर डॉक्टरांनी त्यांच्या अवयवांचे यशस्वी प्रत्यारोपण करून ते गरजू रुग्णांपर्यंत पोहोचवले. या निर्णयामुळे पाच जणांना नवजीवन मिळालं असून, मुरुगन यांच्या कुटुंबावर सर्व स्तरांतून कौतुकाचा वर्षाव होत आहे. त्यांच्या या निर्णयाने दुःखाच्या क्षणीही मानवतेचा एक आदर्श समाजासमोर ठेवला आहे.  ( Murugan Panavila Death)

Rohit Pawar : …त्यामुळे एनडीएसोबत मी जाणार नाही; रोहित पवारांनी ठणकावून सांगितलं; भाजपवर केला गंभीर आरोप म्हणाले…