काँग्रेसपाठोपाठ फेसबुकचा भाजपला ही दणका?

फेसबुकचे सायबर सेक्युरिटी प्रमुख नथॅनियल ग्लेशर यांनी आज फेसबुकातर्फे करण्यात आलेल्या कारवाईबाबत माहिती दिली असून, आगामी लोकसभा निवडणुकांचे वेळापत्रक लक्षात घेऊन काँग्रेसशी संबंधित असणाऱ्या काही फेसबुक पेजेसवरून जाणीवपूर्वक विरोधी पक्षांबाबत तसेच सत्ताधारी भाजप बाबत माहिती पुरवली जात होती मात्र ही फेसबुक पेजेस फेक अकाउंट्सच्या माध्यमातून चालविण्यात येत असल्याचे फेसबुकच्या लक्षात आल्याने फेसबुकतर्फे काँग्रेस आयटी सेलशी निगडित असणाऱ्या ६८७ फेसबुक पेजेसवर कारवाई करण्यात आल्याचं त्यांनी सांगितले आहे.

फेसबुकचे सायबर सेक्युरिटी प्रमुख नथॅनियल ग्लेशर यांनी काँग्रेसव्यतिरिक्त अन्य पेजेसवर देखील कारवाई केल्याची माहिती दिली असून यामध्ये भारतीय आयटी कंपनी सिल्वर टचच्या १५ फेसबुक पेजेसवर कारवाई करण्यात आल्याचे सांगण्यात आले आहे. सिल्वर टच ही कंपनी पंतप्रधान नरेंद्र मोदी यांच्या ‘नमो ऍप्लिकेशनशी’ संबंधित आहे. मात्र सिल्वर टचच्या कोणत्या १५ फेसबुक पेजेसवर कारवाई करण्यात आली आहे हे स्पष्ट न झाल्याने अद्याप सिल्वर टचची ब्लॉक करण्यात आलेली १५ पेजेस भाजपशी अथवा पंतप्रधान नरेंद्र मोदी यांच्याशी संबंधित आहेत की नाहीत याचा उलगडा होऊ शकला नाही.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.