London Marathi family Death : ब्रिटनची राजधानी लंडनमधून एक अत्यंत दुःखद घटना समोर आली आहे. भारतीय वंशाचे राकेश पै, त्यांची पत्नी अदिती पराळकर आणि त्यांचा नऊ वर्षांचा मुलगा सिड यांचा मृत्यू झाल्याने खळबळ उडाली आहे. ब्रिटिश माध्यमांमध्ये ही घटना आत्महत्येशी संबंधित असल्याचे वृत्त प्रसिद्ध झाले असले, तरी कुटुंबीयांनी हा दावा फेटाळून लावला आहे.

मिळालेल्या माहितीनुसार, हे कुटुंब लंडनमधील एका उंच निवासी इमारतीच्या 36 व्या मजल्यावरील अपार्टमेंटमध्ये राहत होते. याच ‘एलिफंट अँड कॅसल’ या आलिशान निवासी इमारतीतील आपल्या अपार्टमेंटमधून जवळपास 400 फूट खाली पडल्यामुळे 46 वर्षीय अदिती, तिचे 47 वर्षीय पती राकेश पै आणि त्यांचा नऊ वर्षांचा मुलगा सिड यांचा 27 मे रोजी मृत्यू झाला. या घटनेनंतर स्थानिक प्रशासनाने तपास सुरू केला आहे.  (London Marathi family Death)

मुलाच्या आरोग्य समस्यांमुळे कुटुंबावर मोठा मानसिक ताण ?   (London Marathi family Death)

वृत्तानुसार, राकेश पै आणि अदिती पराळकर हे दोघेही 2000 साली मुंबईहून लंडनमध्ये स्थायिक झाले होते. राकेश आर्थिक सल्लागार म्हणून कार्यरत होते, तर अदिती बांधकाम क्षेत्रात वरिष्ठ पदांवर कार्यरत होत्या. दोघांचीही व्यावसायिक कारकीर्द यशस्वी असतानाच त्यांच्या मुलाच्या गंभीर आरोग्य समस्यांमुळे कुटुंबावर मोठा मानसिक ताण निर्माण झाला होता.    (London Marathi family Death)

सिडला लहानपणापासूनच अनेक वैद्यकीय अडचणी होत्या. त्याला विशेष शिक्षणाची आवश्यकता होती आणि गंभीर मूत्रपिंडाच्या आजारामुळे तो बोलूही शकत नव्हता. त्याच्या देखभालीची जबाबदारी प्रामुख्याने अदिती यांच्यावर होती. मुलाच्या उपचारांपासून शिक्षणापर्यंत सर्व गोष्टींची जबाबदारी सांभाळताना त्यांच्यावर मोठा ताण येत असल्याचे जवळच्या व्यक्तींनी सांगितले.

हेही वाचा : Katrina Kaif: आई झाल्यानंतर कतरिना कैफच्या कमबॅकची तयारी; OTT वरून करू शकते नवी सुरुवात

कुटुंबीयांच्या माहितीनुसार, मुलाच्या उपचारांसाठी अधिक चांगल्या वैद्यकीय सुविधांच्या शोधात हे कुटुंब काही वर्षांपूर्वी लंडन सोडून मुंबईत आले होते. मात्र, उपचारांचे पर्याय मर्यादित असल्याचे डॉक्टरांनी सांगितल्यानंतर ते पुन्हा ब्रिटनमध्ये परतले. या संपूर्ण काळात कुटुंबाला अनेक मानसिक आव्हानांना सामोरे जावे लागल्याचे सांगितले जात आहे.

कुटुंबाच्या एका जवळच्या मित्राने ब्रिटिश माध्यमांशी बोलताना सांगितले की, अदिती यांच्यावर घर, नोकरी आणि मुलाची काळजी या तिन्ही जबाबदाऱ्यांचा प्रचंड ताण होता. त्याशिवाय परदेशात कुटुंबाचा आधार नसल्याने त्यांची परिस्थिती अधिक कठीण बनली होती. दरम्यान, या घटनेवर स्थानिक खासदारांनीही शोक व्यक्त केला आहे. ही अत्यंत वेदनादायी आणि हृदयद्रावक घटना असल्याचे सांगत त्यांनी कुटुंबीयांप्रती संवेदना व्यक्त केल्या.  (London Marathi family Death)

कोण होत्या अदिती पराळकर?   (London Marathi family Death)

अदिती पराळकर या बांधकाम क्षेत्रातील अनुभवी वरिष्ठ सल्लागार होत्या. त्यांनी ब्रिटनमधील अनेक महत्त्वाच्या पायाभूत सुविधा आणि विकास प्रकल्पांमध्ये योगदान दिले होते. विशेषतः हिथ्रो विमानतळाशी संबंधित प्रकल्पांसह विविध मोठ्या अभियांत्रिकी उपक्रमांमध्ये त्यांच्या कामाची दखल घेतली गेली होती. व्यावसायिक कौशल्य, नेतृत्व आणि कामाप्रती असलेल्या निष्ठेमुळे त्यांनी आपल्या क्षेत्रात वेगळी ओळख निर्माण केली होती.

हेही वाचा : Sikandar Shaikh : पैलवान सिकंदर शेखच्या गाडीचा अपघात; चाहत्यांमध्ये चिंतेचे वातावरण, नेमकं काय घडलं?