पुणे : जिंदगी एक सफर है सुहाना, यहा कल क्या हो किसने जाना…जिंदगी कैसी है पहेली कभी तो हसाये, कभी ये रुला दे, अशा जीवनाचे मर्म सांगणाऱ्या गीताबरोबरच अच्छा तो हम चलते है, सच्चाई छुप नही सकती, जीवन से भरी तेरी आँखे अशा हिंदी चित्रपट सृष्टीमध्ये इतिहास निर्माण करणाऱ्या सदाबहार गाण्यांनी चित्रपट संगीताचा सुवर्णकाळ उलगडला.

निमित्त होते रोटरी क्लब ऑफ पुणे मेट्रो तर्फे आयोजित आणि फर्माइशे प्रस्तुत ये शाम मस्तानी अभिनेते राजेश खन्ना यांच्या जीवनावर आधारित कार्यक्रमाचे. यशवंराव चव्हाण नाट्यगृहात कार्यक्रमाचे आयोजन करण्यात आले होते. कार्यक्रमाची संकल्पना प्रवीण गोखले यांची होती.