रायगडः मागील काही दिवसांपूर्वी जिल्ह्यातील पालक मंत्र्यांच्या नावांची यादी जाहीर करण्यात आली. या यादीत रायगड जिल्ह्याचे पालकमंत्री पद मंत्री भरत गोगावले यांना मिळावे अशी आग्रही मागणी करण्यात आली होती. मात्र, त्यांना रायगड जिल्ह्याचे पालकमंत्री पद न मिळाल्याने त्यांच्या समर्थकांनी नाराजी व्यक्त करीत या प्रकरणावरून आंदोलन केले होते. लागलीच काही दिवसातच रायगड जिल्ह्याच्ये पालकमंत्री पदाला स्थगिती देण्याचा निर्णय घेण्यात आला. मुख्यमंत्री देवेंद्र फडणवीस दौवोस दोऱ्यावर असताना रायगड आणि नााशिक जिल्ह्याच्या पालकमंत्री पदाला स्थगिती देण्यात आली. मात्र, आज म्हणजेच २६ जानेवारी प्रजासत्ताक दिनादिवशी नावे जाहीर केलेल्या पालकमंत्र्यांनीच झेंडावदन करण्यात यावे असे सांगण्यात आले. त्यानुसार रायगड आणि नाशिक जिल्ह्यात अनुक्रमे मंत्री आदित्य तटकरे, गिरीष महाजन यांनी झेंडावंदन केले. मात्र, पालकमंत्री हुकलेले मंत्री भरत गोगावले यांच्या हस्ते एका शाळेत झेंडावंदन केले आहे. शाळेतील मुलांशी संवाद साधला. याचा व्हिडिओ सोशल मीडियावर जोरदार व्हायरल होत आहे. भरत गोगावलेंनी झेंडावंदन केलचं शासनाने रायगड आणि नाशिक जिल्ह्यांच्या पालकमंत्री पदाला जरी स्थगिती दिली असली तरी रायगड येथे पालकमंत्री आदित्य तटकरे आणि नाशिक येथे मंत्री दादा भुसे यांच्या हस्ते झेंडावंदन होईल, असे नमूद करण्यात आले होते. त्यानुसार दोन्ही ठिकाणी झेंडावंदन करण्यात आले. आज २६ जानेवारी प्रजासत्ताक दिनी मंत्री भरत गोगावले यांनी खरवली काळीज ग्रामपंचायत त्यांच्या हस्ते झेंडावंदन करण्यात आले. यावेळी त्यांनी सर्वांना प्रजासत्ताक दिनाच्या शुभेच्छा दिल्या. यामुळे प्रजासत्ताक दिनी पालकमंत्री पद हुकलं असल तरी गोगावले यांनी झेंडावंदन केलचं. भरत गोगावले यांनी झेंडावंदन केल्याचा व्हिडिओ सोशल मीडियावर व्हायरल होत आहे.
