Arya Ambekar : झी मराठी या वाहिनीवरील अत्यंत लोकप्रिय सारेगमप लिटिल चॅम्स या कार्यक्रमामुळे आर्या आंबेकर घराघरात पोहचली. या कार्यक्रमाने तिला मोठी लोकप्रियता मिळवून दिली. तिने अनेक चित्रपट आणि सिरीयलासाठी गाणी केली आहेत. तिच्या मधुर आवाजाचा मोठा चाहता वर्ग आहे. आर्या नेहमी आपल्या चाहत्यांच्या संपर्कात राहण्यासाठी सोशल मीडियाच्या माध्यमातून गाणी शेअर करत असते. नुकतेच तिने एका मुलाखती दरम्यान मिळालेली प्रसिद्ध आणि कौतुक यावर भाष्य केले आहे.

सध्याच्या घडीला आर्या मराठीतील प्रसिद्ध गायिकांपैकी एक आहे. काही दिवसांपूर्वी आर्याने मिर्ची मराठीला मुलाखत दिली  होती. या मुलाखतीवेळी आर्याला जर तुम्हाला आयुष्यात असंच पुढे जायचं असेल आणि कुठलं ओझं नको असेल तर असं तुला वाटतं, असा प्रश्न विचारण्यात आला होता. या प्रश्नावर आर्याने प्रसिद्धी आणि कौतुक. तुम्ही कोण आहात, तुमचं गाणं कसं आहे आणि तुम्हाला कुठे जायचं आहे. हे तुमचं तुम्हाला आधी माहिती पाहिजे, असे उत्तर दिले.

पुढे ती म्हणाली, नाहीतर कोणीही उठ-सूट येऊन अरे आज तू जे गायलीस ना त्याला तोडच नाही, काय गायलीस तू असं म्हणेल आणि मी त्याच्यावर विश्वास ठेवला तर संपला विषय. लोकांना जरी माझं गाणं आवडलं असलं तरी मला माहीत पाहिजे की मी कुठे चुकले. मला त्यात अजून काय सुधारणा करायची आहे, असे मत तिने मिळणारी प्रसिद्ध आणि कौतुक याविषयी बोलताना व्यक्त केले.

दरम्यान, आर्या आंबेकर हिने गायन कला अंगी जोपसली असून आपल्या गायन कौशल्याच्या जोरावर तिने चाहत्यांच्या मनात तिच्याविषयीचे अढळ स्थान निर्माण केले आहे. ती सध्या काय करते या मराठी चित्रपटातही तिने अभिनय बेर्डे याच्यासोबत स्क्रिन शेअर केली होती. अनेक हिंदी, मराठी मालिका त्याचबरोबर तिने चित्रपटांसाठी आपला आवाज दिला आहे.

हेही वाचा : अखेर अविनाश जाधवांना सोडलं; बाहेर येताच म्हणाले “मराठीचा माज काय असतो…”