Eknath Shinde : राज्यातील विधानपरिषद निवडणुकांची रणधुमाळी अंतिम टप्प्यात आली असून 5 मतदारसंघात निवडणूक होत आहे. त्याच पार्श्वभूमीवर आता वरिष्ठ नेते, मंत्री प्रचाराच्या मैदानात उतरले आहेत. पुणे आणि अमरावतीमध्ये शिक्षक मतदारसंघासाठी निवडणूक होत आहे.

अमरावती शिक्षक मतदारसंघात शिवसेनेच्या किरण सरनाईक यांना उमेदवारी देण्यात आली आहे. त्याच पार्श्वभूमीवर उपमुख्यमंत्री एकनाथ शिंदे (Eknath Shinde) यांनी अमरावती दौरा केला. अमरावती विभागीय शिक्षक मतदार संघाचे महायुतीचे उमेदवार सरनाईक यांच्या प्रचारार्थ उपमुख्यमंत्री शिंदे यांची सभा आयोजित करण्यात आली होती. अमरावती शिक्षण मतदारसंघाची निवडणूक ही राज्यात चांगलीच चर्चेत आहे.

यावेळी शिंदे म्हणाले, अमरावती शिक्षक मतदारसंघातून अपक्ष उमेदवार प्रीती रेवने यांनी आपली उमेदवारी मागे घेतली, त्यांचा मी आभार मानतो, असे शिंदे (Eknath Shinde) म्हणाले. त्यांनी महायुती म्हणून अमरावती विधानपरिषद निवडणूक जिंकण्याचा निर्धार व्यक्त केला.

वेळप्रसंगी राणा दाम्पत्य तुरुंगात गेले पण घाबरले नाही, मी पण तसाच आहे. मी जर धाडस केले नसते तर, महाराष्ट्र 15-20 वर्ष मागे गेला असता, असे म्हणत शिदेंनी शिवसेनेतील बंडाची आठवण करुन दिली. तो ऐतिहासिक निर्णय होता, म्हणून ते महाविकास शिक्षकांच्या प्रश्नावर बोलताना, जुनी पेंशन आणि वेगवेगळ्या मागण्यांसाठी आम्ही कटिबद्ध आहोत.

मी दिलेला शब्द पाळणारा आहे, मी एकदा कमेंटमेंट दिली तर दिली, असे म्हणत प्रश्न सोडवण्याचे त्यांनी आश्वासन दिले. राज्यात सध्या दुष्काळ आहे, त्यामुळे दुष्काळ निधी कमी पडू देणार नाही. सध्या शेतकऱ्यांना 5 हजार रुपये दिवाळीपूर्वी देणार आहोत, आणि नंतर ज्या ज्या सवलती आहेत त्याही देणार, असेही शिंदेंनी (Eknath Shinde) म्हटले.