मुंबई – या वर्षातील मोस्ट अवेटेड चित्रपट ‘एक व्हिलन रिटर्न्स’ रिलीजसाठी सज्ज आहे. हा चित्रपट २९ जुलैला प्रदर्शित होणार आहे. पण, याआधीच चित्रपटातील गाण्यांमुळे प्रेक्षकांमध्ये घबराट निर्माण होत आहे. शनिवारी, चित्रपटाच्या निर्मात्यांनी ‘एक व्हिलन रिटर्न्स’ मधील आणखी एक उत्कृष्ट गाणं रिलीज केले. ‘शामत ‘ हा या चित्रपटाचा लेटेस्ट ट्रॅक असून या गाण्याची खास बाब म्हणजे या गाण्याला अभिनेत्री तारा सुतारियाने आवाज दिला आहे. ताराने या गाण्याद्वारे गायिका म्हणून पदार्पण केले आहे.

तारा सुतारियासोबत अंकित तिवारीने या गाण्याला आवाज दिला आहे. दोघांचा आवाज चाहत्यांना खूप आवडतो. ताराने तिच्या गाण्याच्या पदार्पणाबद्दल आधीच आनंद व्यक्त केला होता. सोशल मीडियाच्या माध्यमातून तिने आपण सिंगिंगसाठीच्या  पदार्पणासाठी सज्ज असल्याचेही सूचित केले होते. दुसरीकडे, या गाण्याचे खास वैशिष्ट्य म्हणजे रॅपर बादशहाचा स्पेशल अपिरन्स आहे.

शामत हे या वर्षीचे रॉक अँथम आहे जे खूप पसंत केले जात आहे. नुकतेच रिलीज झालेल्या या गाण्याला 15 लाखांहून अधिक व्ह्यूज मिळाले आहेत. चाहत्यांना ताराचा आवाजही खूप आवडतो आहे. अनेकांनी अभिनेत्रीच्या गायन प्रतिभेचे कौतुक केले आहे. अर्जुन कपूर आणि तारा सुतारिया असलेल्या या गाण्यात चित्रपटातील त्यांची लव्ह केमेस्ट्री दाखवण्यात आली आहे.

या चित्रपटाचा ट्रेलर रिलीज झाल्यापासूनच या चित्रपटाचा नायक कोण आणि खलनायक कोण हे जाणून घेण्याची उत्सुकता चाहत्यांना लागली आहे. ट्विटरवर हे गाणे शेअर करताना अर्जुनने लिहिले – ‘द रॉक एंथम ऑफ द ईयर खास तुमच्यासाठी.व्हिलन रिटर्न्स हा व्हॅलेंटाईन डे-२९ जुलै २०२२ रोजी थिएटरमध्ये प्रदर्शित होत आहे.