Diwali 2025 | sugar patients : दिवाळीसारख्या सणासुदीच्या काळात गोडधोड, तळलेले आणि मसालेदार पदार्थांचे सेवन मोठ्या प्रमाणावर वाढते. अशा वेळी डायबिटीज (मधुमेह) असलेल्या रुग्णांनी आपल्या आरोग्याची विशेष काळजी घेणे गरजेचे असते. या काळात जास्त प्रमाणात गोड पदार्थ खाल्ल्यामुळे ब्लड शुगर लेव्हल अचानक वाढू शकतो, ज्यामुळे हृदय, मूत्रपिंड आणि डोळ्यांशी संबंधित गुंतागुंतींचा धोका वाढतो. त्यामुळे सणानंतर शुगर रुग्णांनी आरोग्य तपासणी नक्की करून घ्यावी. वेळेवर तपासणी केल्यास गंभीर त्रास टाळता येऊ शकतो. सणानंतर काय काळजी घ्यावी? दिवाळीनंतर शुगर रुग्णांनी गोड आणि तळलेले पदार्थ टाळावेत. मिठाई, केक, पकोडे, समोसे यांसारख्या पदार्थांमुळे ब्लड शुगर वाढतो. तसेच जंक फूड, जास्त मीठ आणि तेलकट पदार्थांचे सेवन कमी करावे. दररोज शुगर लेव्हल तपासावी, भरपूर पाणी प्यावे आणि हलका व्यायाम करावा. आहारात संतुलन राखणे, वेळेवर औषध घेणे आणि डॉक्टरांच्या सल्ल्यानुसार आहार पाळणे अत्यंत आवश्यक आहे. ब्लड शुगर वाढल्यास कोणती तपासणी करावी? सणासुदीच्या काळात सामान्य लोक आणि मधुमेही रुग्ण दोघेही गोडधोड जास्त खातात. त्यामुळे शुगर वाढण्याचा धोका निर्माण होतो. या काळात आहाराकडे विशेष लक्ष द्यावे आणि दररोज शुगर मॉनिटर करावी. जर शुगर लेव्हल वारंवार जास्त येत असेल तर खालील तपासण्या आवश्यक आहेत: HbA1c टेस्ट – ही तपासणी मागील २ ते ३ महिन्यांतील सरासरी ब्लड शुगर लेव्हल दर्शवते. डॉक्टरांना उपचारात बदल करणे आणि गुंतागुंत समजून घेण्यास मदत होते. ब्लड ग्लुकोज टेस्ट – सध्याच्या शुगर पातळीचा अंदाज घेण्यासाठी. लिपिड प्रोफाइल टेस्ट – शरीरातील चरबी आणि कोलेस्टेरॉलची पातळी जाणून घेण्यासाठी. किडनी फंक्शन टेस्ट (KFT) – मूत्रपिंडांच्या कार्यक्षमतेचे मूल्यांकन करण्यासाठी. डोळ्यांची तपासणी आणि ECG/कार्डियक टेस्ट – डोळे आणि हृदयाशी संबंधित जोखमींची तपासणी करण्यासाठी. नियमित तपासणी केल्याने शुगर नियंत्रणात राहतो आणि गंभीर त्रास वेळेवर लक्षात येतो. लक्षात ठेवाव्यात या गोष्टी : गोडधोड आणि तळलेले पदार्थ मर्यादित प्रमाणात खावेत. दररोज ब्लड शुगर तपासा. भरपूर पाणी प्या आणि शरीर हायड्रेट ठेवा. हलका व्यायाम किंवा योगाचा समावेश करा. औषधे आणि इन्सुलिन वेळेवर घ्या. डॉक्टरांच्या सल्ल्यानुसार आहार योजना पाळा. नियमित आरोग्य तपासणी करून घ्या.
