Donald Trump: अमेरिकेने चीनला मोठा धक्का दिला आहे. पेंटागॉनने चीनच्या लष्करी आस्थापना पीएलएशी संबंधित कंपन्यांची यादी अद्ययावत केली आहे. या काळ्या यादीत अलीबाबा ग्रुप, बायडू, बीवायडी, निओ आणि वुक्सी ॲपटेक यांसारख्या अनेक मोठ्या कंपन्यांचा समावेश आहे. या कंपन्यांना अमेरिकेत यापुढे गुंतवणूक मिळणार नाही. इतकेच नाही, तर त्यांना शेअर बाजारातून वगळण्याची मागणीही होत आहे.

अमेरिकेच्या युद्ध विभागाने, या पीएलए-संबंधित कंपन्यांशी कोणत्याही प्रकारचे संबंध ठेवण्याविरुद्ध अमेरिकन व्यावसायिक आणि सरकारी संस्थांना इशारा देण्यासाठी हे पाऊल उचलले आहे.

अमेरिकेकडून १२६०एच यादी अद्ययावत करण्याची घोषणा Donald Trump: 

अमेरिकेच्या चीन समितीने सोमवारी एक निवेदन प्रसिद्ध करून तपशील दिला आहे. या निवेदनानुसार, पेंटागॉनने आपल्या १२६०एच यादीत चीनच्या लष्कराशी संबंधित अनेक कंपन्यांचा समावेश केल्याची घोषणा केली आहे. चीनवरील निवड समितीचे अध्यक्ष जॉन मूलनार आणि इतर काँग्रेस नेत्यांच्या आवाहनानंतर हे पाऊल उचलण्यात आले.

अध्यक्ष मूलनार यांनी सांगितले की, चिनी लष्करी कंपन्यांची यादी ही अमेरिकन उद्योग, सर्व स्तरांवरील सरकार आणि अमेरिकन जनतेसाठी एक ‘इशारा’ आहे. त्यांनी असा दावा केला की, या चिनी कंपन्या अमेरिकेच्या राष्ट्रीय हितांविरुद्ध चिनी लष्करासोबत संगनमत करत आहेत.

मूलनार म्हणाले, “अमेरिकेच्या बाजारपेठेत सूचीबद्ध असलेल्या कोणत्याही कंपन्यांना तात्काळ सूचीतून वगळले पाहिजे आणि त्यांची उत्पादने आपल्या देशाच्या पुरवठा साखळीतून काढून टाकली पाहिजेत. अमेरिकन कंपन्यांनी राष्ट्रीय सुरक्षेला धोका निर्माण करणाऱ्या या कंपन्यांसोबत व्यवसाय करणे थांबवले पाहिजे, अन्यथा त्या चीनच्या लष्करी वर्चस्वाला प्रोत्साहन देत आहेत.”

या यादीत कोणत्या कंपन्यांचा समावेश होता? Donald Trump: 

निवेदनानुसार, यादीत नव्याने समाविष्ट केलेल्या नावांमध्ये अलीबाबा ग्रुप होल्डिंग लिमिटेड, बायडू, बीवायडी, निओ आणि वुक्सी ॲपटेक, इंक., बीओई टेक्नॉलॉजी ग्रुप कंपनी लिमिटेड, कॅल्ब ग्रुप कंपनी लिमिटेड, ईव्हीई एनर्जी कंपनी लिमिटेड, हांगझोऊ युशू टेक्नॉलॉजी कंपनी लिमिटेड (युनिट्री), जेए सोलर टेक्नॉलॉजी कंपनी लिमिटेड, नोव्होजीन कंपनी लिमिटेड, रोबोसेन्स टेक्नॉलॉजी कंपनी लिमिटेड, तियानमा मायक्रोइलेक्ट्रॉनिक्स कंपनी लिमिटेड, टीपी-लिंक टेक्नॉलॉजीज कंपनी लिमिटेड, ट्रिना सोलर कंपनी लिमिटेड आणि झोंगजी इनोलाइट कंपनी लिमिटेड यांचा समावेश आहे.

समितीच्या अध्यक्षांनी डिसेंबरमध्ये मंजूर झालेल्या बायोसिक्युअर कायद्याला दिलेल्या पाठिंब्याबद्दल समितीचे आभार मनात, “हा कायदा अमेरिकन नागरिकांच्या वैद्यकीय माहितीचे बीजीआय आणि वुक्सी ॲपटेकपासून संरक्षण करेल” असे त्यांनी म्हटले. त्यांनी या दोन कंपन्यांना पीएलएच्या जैविक प्रयोगांना सक्षम करणाऱ्या दुर्भावनापूर्ण चिनी बायोटेक कंपन्या असे संबोधले.