Donald trump : अमेरिका, इस्रायल आणि इराण यांच्यातील तणाव अद्याप पूर्णपणे निवळलेला नाही. होर्मुझच्या सामुद्रधुनीवरील वाद आणि धोरणात्मक हालचालींमुळे मध्य पूर्वेत परिस्थिती अधिक गुंतागुंतीची झाली आहे. या पार्श्वभूमीवर जगभरात चिंतेचे वातावरण असतानाच आता युद्धविरामाबाबत एक महत्त्वाची घोषणा समोर आली आहे. अहवालांनुसार, इस्लामाबादमधील सुरुवातीच्या चर्चेत कोणताही ठोस तोडगा न निघाल्याने तणाव वाढत गेला. त्यानंतर अमेरिका आणि इराण यांच्यात होर्मुझ सामुद्रधुनीवरील हालचालींवरून संघर्ष वाढला. या सामुद्रधुनीवरून जागतिक तेल आणि गॅस वाहतुकीचा मोठा भाग चालतो, त्यामुळे येथे कोणतीही अडथळा निर्माण झाला तर त्याचा परिणाम थेट जागतिक बाजारपेठांवर होतो. ट्रम्प यांची युद्धविरामाबाबत मोठी घोषणा : Donald trump अमेरिकेचे राष्ट्राध्यक्ष डोनाल्ड ट्रम्प यांनी दिलेल्या माहितीनुसार इस्रायल आणि लेबनॉन यांच्यातील युद्धविरामाची मुदत वाढवण्यात आली आहे. आता पुढील तीन आठवड्यांसाठी युद्धविराम कायम राहणार असून या काळात इस्रायल लेबनॉनवर कोणताही लष्करी हल्ला करणार नाही, असे स्पष्ट करण्यात आले आहे. Donald trump : डोनाल्ड ट्रम्प यांची युद्धविरामाबाबत मोठी घोषणा; घेतला ‘हा’ महत्वाचा निर्णय, पुढे काय होणार? वाचा…. ही घोषणा व्हाईट हाऊसमध्ये झालेल्या महत्त्वपूर्ण बैठकीनंतर करण्यात आली. या बैठकीत इस्रायलचे राजदूत येचिएल लायटर आणि लेबनॉनचे राजदूत नदा मोवावाद उपस्थित होते. तसेच अमेरिकेचे वरिष्ठ अधिकारीही या चर्चेत सहभागी होते. याआधीचा करार आणि नवी मुदत : याआधी दोन्ही देशांमध्ये 10 एप्रिल 2026 रोजी 10 दिवसांच्या युद्धविरामावर सहमती झाली होती. ही मुदत 27 एप्रिलला संपणार होती. मात्र, नव्या चर्चेनंतर हा युद्धविराम आता आणखी 21 दिवसांसाठी वाढवण्यात आला आहे. (Donald trump) जरी युद्धविरामाचा करार झाला असला तरी प्रत्यक्षात संघर्ष पूर्णपणे थांबलेला नाही. दक्षिण लेबनॉनमध्ये काही ठिकाणी हल्ले सुरू असल्याच्या बातम्या समोर आल्या आहेत. लेबनॉनच्या आरोग्य मंत्रालयानुसार, अलीकडील हल्ल्यांमध्ये 3 नागरिकांचा मृत्यू झाला असून 2 जण जखमी झाले आहेत. मृतांमध्ये पत्रकार अमल खलील यांचाही समावेश असल्याचे सांगण्यात आले आहे. एकूणच युद्धविरामाचा कालावधी वाढला असला तरी तणाव कायम आहे.
