Donald Trump on Joe Biden। अमेरिकेचे अध्यक्ष डोनाल्ड ट्रम्प यांनी माजी राष्ट्राध्यक्ष जो बायडेन यांना पुन्हा एकदा लक्ष्य केले आहे. ट्रम्प यांनी बायडेन यांच्या कारकिर्दीत १९ देशांच्या नागरिकांना देण्यात आलेल्या ग्रीन कार्डची चौकशी करण्याचे आदेश जारी केले आहेत. यासोबतच त्यांनी निर्वासितांच्या मुद्यावरही व्यापक आढावा घेण्यास प्रशासनाला सांगितले आहे. अमेरिकेच्या गृह सुरक्षा विभागाच्या अधिकाऱ्यांनी याविषयी माहिती दिली आहे. वॉशिंग्टनमधील गोळीबारानंतर हा निर्णय Donald Trump on Joe Biden। यूएस सिटिझनशिप अँड इमिग्रेशन सर्व्हिसेस (USCIS) ने स्क्रीनिंग मानके कडक करण्यासाठी नवीन मार्गदर्शक तत्त्वे जारी केली आहेत. वॉशिंग्टन, डी.सी. मध्ये दोन नॅशनल गार्ड सदस्यांवर गोळीबार झाल्यानंतर हा निर्णय घेण्यात आला. २०२१ मध्ये अफगाणिस्तानमधून अमेरिकेत आलेल्या एका नागरिकाने हा हल्ला केल्याचा संशय आहे. त्यानुसार त्याला अमेरिकन पोलिसांऐ अटक देखील केली आहे/ दरम्यान, USCIS संचालक जोसेफ एडलो यांनी याविषयी बोलताना, “नवीन धोरणानुसार, “प्रत्येक परदेशी व्यक्तीला जास्तीत जास्त पडताळणी आणि छाननी मिळेल याची खात्री करणे ही माझी जबाबदारी आहे. अमेरिकन लोकांची सुरक्षा ही आमची प्राथमिकता आहे.”असे त्यांनी म्हटले. रडारवर ‘हे’ १९ देश Donald Trump on Joe Biden। पुढे या प्रकरणाची माहिती देताना अधिकाऱ्यांनी,”जूनमध्ये राष्ट्रपतींच्या घोषणेत जारी केलेल्या पूर्ण किंवा आंशिक प्रवेशबंदी १९ असे देश आहेत ज्या देशातील नागरिकांना अमेरिकेत प्रवेश बंदी आहे. यामध्ये अफगाणिस्तान, बर्मा, चाड, काँगो प्रजासत्ताक, विषुववृत्तीय गिनी, एरिट्रिया, हैती, इराण, लिबिया, सोमालिया, सुदान, येमेन, बुरुंडी, क्युबा, लाओस, सिएरा लिओन, टोगो, तुर्कमेनिस्तान आणि व्हेनेझुएला या देशाचा समावेश आहे. त्यासोबतच एडलो यांनी, नवीन मार्गदर्शक तत्त्वे अलीकडील भयानक घटनांवरील थेट कारवाई म्हणून जारी करण्यात आली आहेत. त्यांनी आरोप केला की, बायडेन प्रशासनाने चार वर्षांपासून मूलभूत पडताळणी आणि तपासणी मानके कमकुवत केली आणि अति जोखीम असलेल्या देशांमधून नागरिकांना देशात प्रवेश दिला. २०२१ मध्ये शूटर अफगाणिस्तानातून अमेरिकेत आला दरम्यान, व्हाईट हाऊसजवळ गोळीबार करणारा २९ वर्षीय अफगाण नागरिक रहमानउल्लाह लकनवाल २०२१ मध्ये ऑपरेशन अलायज वेलकम अंतर्गत अमेरिकेत आला होता, जो बायडेन प्रशासनाने अफगाणिस्तानातून हजारो लोकांना सुरक्षितपणे बाहेर काढण्यासाठी आणि पुनर्वसन करण्यासाठी राबविलेल्या कार्यक्रमात समाविष्ट होता.
