Rupee Hits All Time Low: भारताचा जीडीपी मजबूत असूनही, रुपया लक्षणीय घसरत आहे. डॉलरच्या तुलनेत रुपया कमकुवत झाला असून तो प्रति डॉलर ८९.८५ या सर्वकालीन नीचांकी पातळीवर पोहोचला आहे. डॉलरची जोरदार मागणी ही घसरण घडवून आणत आहे. ही घसरण भारतीय अर्थव्यवस्थेसाठी चिंतेचे कारण असून महागाईचा धोका वाढवणारी आहे. रुपयाची सर्वात मोठी घसरण – २०२५ पूर्वी, २०२२ मध्ये रुपयामध्ये लक्षणीय घसरण झाली होती. सध्या ३ नोव्हेंबरपासून रुपया ९० पैशांनी घसरला आहे. आज, आंतरराष्ट्रीय परकीय चलन बाजारात डॉलरच्या तुलनेत रुपया ८९.७० वर उघडला. तथापि, तो नंतर ८९.८५ प्रति डॉलर या ऐतिहासिक नीचांकी पातळीवर घसरला. काल, रुपया ८९.५३ प्रति डॉलरवर बंद झाला. गेल्या सहा महिन्यांत रुपयात ४.४% ची घसरण नोंदवली गेली आहे. MUFG बँकेच्या विश्लेषकांच्या मते, डॉलरच्या तुलनेत रुपया ९० च्या वर जाऊ नये म्हणून आरबीआयने हस्तक्षेप केला आहे. भारत आणि अमेरिका यांच्यातील व्यापार करारातील विलंब आणि सतत वाढत्या चलन दबावामुळे रुपया कमकुवत होत आहे. अर्थतज्ज्ञ असेही म्हणतात की भारताच्या व्यापार तुटीचा रुपयावर परिणाम झाला आहे. अमेरिकेच्या कराचा परिणाम – अमेरिकेने भारतावर ५०% कर लादला आहे. अमेरिका टॅरिफ दर कमी करेल अशी बऱ्याच काळापासून अपेक्षा आहे. मात्र, दोन्ही देशांमध्ये कोणताही करार झालेला नाही. यामुळे रुपयाला पाठिंबा मिळण्यासही अडथळा निर्माण झाला असून परकीय गुंतवणुकीवर परिणाम झाला आहे. शिवाय, आयात वाढली आणि निर्यात कमी झाली की रुपया आणखी कमकुवत होतो. अशा परिस्थितीत, डॉलरची मागणी वाढते, ज्यामुळे रुपया कमकुवत होतो. वाढत्या महागाईचा धोका – रुपया कमकुवत झाला की, महागाई वाढण्याचा धोका वाढतो, हा सामान्य माणसासाठी एक प्रमुख चिंतेचा विषय बनत आहे. एवढेच नाही तर रुपया कमकुवत झाल्यामुळे परदेशी गुंतवणूकदारांचा विश्वासही कमी होईन त्या थेट परिणाम शेअर बाजारावर दिसून येत असतो.
