पुणे – सणासुदीचा हंगाम सुरू होण्यापूर्वी वाहन कंपन्यांनी ग्राहकांवर बंपर सवलतींचा वर्षाव केला आहे. सर्वात मोठी वाहन निर्माती कंपनी मारुती सुझुकीने अल्टो ते डिजायर अशा विविध कार्सवर बंपर सवलत दिली आहे, तर ह्युंदाई आय -20 स्वस्त दरात विकत आहे. होंडाने बर्‍याच मॉडेल्सवर 2 लाखाहून अधिक सूट दिली आहे, रेनोनेही किंमत कमी केली आहे.

चला मग, जाणून घेऊ, कोणती कार किती स्वस्त मिळेल……

मारुतीच्या कार्सवर 53 हजारांपर्यंत सूट

देशातील सर्वाधिक लोकप्रिय कार कंपनी मारुती सुझुकी स्विफ्ट डिजायरवर 44 हजार रुपयांची सूट देत आहे, तर एस-प्रेसोला 48 हजार रुपयांची सूट आणि 38 हजार रुपयांवर इकोसाठी सवलत देत आहे. याशिवाय सेलेरिओवर 5 हजार आणि अल्टो 800 वर 41 हजार रुपयांची सूट उपलब्ध आहे. कंपनी ही सवलत रोख, एक्सचेंज बोनस आणि कॉर्पोरेट बोनसमध्ये देत आहे.

होंडाची अडीच लाखांपर्यंत घसघशीत ऑफर

होंडाने अमेझ मॉडेलवर 47 हजार रुपयांची सूट दिली आहे. याशिवाय होंडा सिटीवर 30 हजार रुपये, डब्ल्यूआर-व्हीवर 40 हजार रुपये आणि जाझवर 40 हजार रुपयांची सूट आहे. ही सूट रोख, वॉरंटी आणि एक्सचेंजच्या स्वरूपात दिली जात आहे. सर्वात मोठा फायदा होंडा सिव्हिक मॉडेलवर होत आहे, ज्यात पेट्रोल व्हर्जनवर एक लाख रुपये आणि डिझेल मॉडेलवर अडीच लाख रुपयांची घसघशीत सवलत आहे.

ह्युंदाईकडून 75 हजारांची सूट

दक्षिण कोरियाची ही कंपनी लवकरच आय -20 चे पुढच्या पिढीचे मॉडेल भारतात दाखल करणार आहे. यापूर्वी कंपनीने सध्याच्या मॉडेलवर 75 हजार रुपयांपर्यंतची बंपर सवलत आणली आहे.

रेनोतर्फे 1 लाखांपर्यंतची सूट, व्याजही कमी

31 ऑक्टोबरपर्यंत रेनो ग्राहकांना ऑनलाईन बुकिंगवर एक लाख रुपयांची सवलत देत आहे. कंपनीने एक लाख रुपयांपर्यंत रोख, विनिमय, निष्ठा आणि कॉर्पोरेट सूट म्हणून डस्टर आणि ट्रायबरवर 3.99 टक्के व्याज दिले आहे.