Dinesh Karthik on Vaibhav Sooryavanshi Comparison : आयपीएल २०२६ मध्ये राजस्थान रॉयल्सचा १५ वर्षीय युवा फलंदाज वैभव सूर्यवंशी आपल्या बॅटने धावांचा पाऊस पाडत आहे. या हंगामात ५५० पेक्षा जास्त धावा करणाऱ्या वैभवच्या कामगिरीवर फिदा होऊन अनेक क्रिकेट तज्ज्ञ आणि चाहते त्याची तुलना थेट क्रिकेटचा देव सचिन तेंडुलकरशी करत आहेत. मात्र, भारताचा माजी यष्टीरक्षक आणि आरसीबीचा फलंदाजी प्रशिक्षक दिनेश कार्तिकने या तुलनेवर तीव्र आक्षेप घेतला असून, चाहत्यांना एक महत्त्वाचा सल्ला दिला आहे. “वैभवचे खरे आव्हान मैदानाबाहेर असेल!” ‘क्वेस्ट टॉक’ पॉडकास्टच्या आगामी एपिसोडमध्ये बोलताना दिनेश कार्तिक म्हणाला, “१५ वर्षांचा वैभव मैदानावर जे काही करत आहे, ते अत्यंत थक्क करणारे आणि विशेष आहे. पण, लोकांनी त्याला ‘पुढचा सचिन’ म्हणणे आताच थांबवावे. सचिनने आपल्या कारकिर्दीत जे केले ते अद्भूत होते. वैभवला आगामी काळात पूर्णपणे वेगळ्या आव्हानांचा सामना करावा लागेल. सचिनसाठी मैदानावर जेवढी आव्हाने होती, तेवढीच ती मैदानाबाहेरही होती. मात्र, वैभवकडे उत्कृष्ट क्रिकेटिंग स्किल्स असल्याने त्याचे खरे आव्हान मैदानावर नाही, तर मैदानाबाहेर मिळणाऱ्या अफाट प्रसिद्धी आणि ग्लॅमरला हाताळण्याचे असेल.” 🔴 DON’T CALL HIM THE NEXT SACHIN – DINESH KARTHIK BIG WARNING 🤯 He said🎙️- fans should not compare young RR star Vaibhav Sooryavanshi with Sachin Tendulkar, adding that such comparisons can put unnecessary pressure on a 15-year-old talent.🙄pic.twitter.com/ka42CGWLha — Sam (@cricsam02) May 22, 2026 ऑरेंज कॅपच्या शर्यतीत टॉप-५ मध्ये एन्ट्री! वैभव सूर्यवंशीने आयपीएल २०२६ मधील १३ सामन्यांच्या १३ डावांमध्ये २३७ च्या वादळी स्ट्राईक रेटने तब्बल ५७९ धावा कुटल्या आहेत. या कामगिरीसह तो ऑरेंज कॅपच्या शर्यतीत पहिल्या पाच फलंदाजांमध्ये सामील झाला आहे. राजस्थान रॉयल्सला प्ले-ऑफमध्ये पोहोचवण्यासाठी तो एकहाती संघर्ष करत आहे. राजस्थानचा पुढील महत्त्वाचा सामना २४ मे रोजी मुंबई इंडियन्सविरुद्ध होणार आहे. हेही वाचा – Bihar IPL Team : आयपीएलमध्ये आता बिहारची टीम येणार? इशान-वैभवच्या कामगिरीने प्रभावित झालेल्या अब्जाधीशाने मांडला प्रस्ताव दिनेश कार्तिकची आयपीएलमधील बदलांविषयी प्रतिक्रिया – दिनेश कार्तिकने स्पष्ट केले की, २००८ मध्ये सुरू झाल्यापासून आयपीएलमध्ये लक्षणीय बदल झाले आहेत. ही जगातील सर्वात वेगाने वाढणारी लीग आहे, जी लोकांना एक उत्तम जीवनशैली प्रदान करत आहे. आता, क्रिकेट खेळण्याचा निर्णय घेणाऱ्या कोणत्याही तरुण मुला-मुलीसाठी आयपीएल हा एक उत्तम करिअरचा पर्याय बनला आहे.
