Dadasaheb Phalke Awards 2026 : ‘धुरंधर’ने मारली बाजी! दादासाहेब फाळके आंतरराष्ट्रीय पुरस्कारांची घोषणा; पाहा कोणाला कोणता पुरस्कार
Dadasaheb Phalke Awards 2026 : विशेष म्हणजे, यंदाच्या पुरस्कारांमध्ये आंतरराष्ट्रीय मनोरंजनविश्वातील कलाकारांचाही गौरव करण्यात आला आहे. जगप्रसिद्ध पॉप गायिका टेलर स्विफ्ट हिचं नावही पुरस्कार विजेत्यांच्या यादीत समाविष्ट आहे.

Dadasaheb Phalke International Film Festival Awards 2026 : ‘दादासाहेब फाळके आंतरराष्ट्रीय फिल्म फेस्टिव्हल पुरस्कार २०२६’ मधील विजेत्यांची घोषणा करण्यात आली आहे. यंदाच्या पुरस्कार सोहळ्यात ‘धुरंधर’ चित्रपटाने बाजी मारली आहे.
या चित्रपटाला सर्वोत्कृष्ट चित्रपटाचा पुरस्कार जाहीर झाला असून, अभिनेता रणवीर सिंह याला सर्वोत्कृष्ट अभिनेत्याचा पुरस्कार मिळाला आहे. तर ‘सैयारा’ चित्रपटातून प्रेक्षकांच्या पसंतीस उतरलेली अभिनेत्री अनीत पड्डा हिने सर्वोत्कृष्ट अभिनेत्रीचा पुरस्कार पटकावला आहे.
तसेच सर्वोत्कृष्ट निर्माता आदित्य धर, ज्योती देशपांडे, लोकेश धर, सर्वोत्कृष्ट दिग्दर्शक – आदित्य धर, सर्वोत्कृष्ट अभिनेत्री (क्रिटिक्स) – यामी गौतम असे सगळे मिळून एकूण सहा पुरस्कारांवर धुरंधरने आपलं नावं कोरलं आहे.
दादासाहेब फाळके आंतरराष्ट्रीय फिल्म फेस्टिव्हल पुरस्कारांकडे भारतीय मनोरंजनविश्वात विशेष लक्ष दिलं जातं. यंदाच्या विजेत्यांच्या यादीत बॉलिवूडमधील कलाकारांसोबतच मनोरंजन क्षेत्रातील अनेक नामवंत व्यक्तींचाही समावेश आहे. प्रसिद्ध स्टँडअप कॉमेडियन समय रैना यालाही यंदाचा पुरस्कार जाहीर झाला आहे.
विशेष म्हणजे, यंदाच्या पुरस्कारांमध्ये आंतरराष्ट्रीय मनोरंजनविश्वातील कलाकारांचाही गौरव करण्यात आला आहे. जगप्रसिद्ध पॉप गायिका टेलर स्विफ्ट हिचं नावही पुरस्कार विजेत्यांच्या यादीत समाविष्ट आहे. फेस्टिव्हलच्या अधिकृत सोशल मीडिया हँडलवरून पुरस्कार विजेत्यांची नावं जाहीर करण्यात आली.
या यादीत भारतीय चित्रपटसृष्टीसह हॉलिवूड आणि दक्षिण भारतीय मनोरंजनविश्वातील दिग्गजांचाही समावेश आहे. हॉलिवूडचे प्रसिद्ध चित्रपट निर्माते जेम्स कॅमेरून आणि दक्षिणेतील ज्येष्ठ अभिनेते कमल हासन यांनाही पुरस्कार जाहीर झाल्याची माहिती समोर आली आहे.
सर्वोत्कृष्ट सिनेमा – धुरंधर
सर्वोत्कृष्ट अभिनेता – रणवीर सिंह
सर्वोत्कृष्ट अभिनेत्री – अनीत पड्डा
सर्वोत्कृष्ट निर्माता – आदित्य धर, ज्योती देशपांडे, लोकेश धर
सर्वोत्कृष्ट दिग्दर्शक – आदित्य धर
सर्वोत्कृष्ट अभिनेत्री (क्रिटिक्स) – यामी गौतम
सर्वोत्कृष्ट अभिनेता (क्रिटिक्स) – ऋषभ शेट्टी
सर्वोत्कृष्ट खलनायक – अक्षय खन्ना
साँग ऑफ द इयर – सैयारा
कॉमेडियन ऑफ द इयर – समय रैना
सर्वोत्कृष्ट विनोदी अभिनेता – रितेश देशमुख
सिनेइंडस्ट्रीत योगदानासाठी – कमला हासन
संगीत क्षेत्रातील योगदानासाठी – इलैयाराजा





