Dhirendra Shastri । बागेश्वर धामचे पीठाधीश्वर धीरेंद्र शास्त्री यांची हिंदू एकता यात्रा उत्तर प्रदेशातील झाशी येथे पोहोचली आहे. या प्रवासादरम्यान एका व्यक्तीने धीरेंद्र शास्त्री यांच्याकडे मोबाईल फेकला जो बाबांच्या गालावर लागला. याबाबत बाबा बागेश्वर यांनी, “कोणीतरी मोबाईल फेकून मारला आहे.” असे त्यांनी म्हटले आहे.

 कोणीतरी फुलांसह मोबाईल फेकून मारला Dhirendra Shastri ।

यात्रेदरम्यान बाबा आपल्या भक्तांसोबत पायी जात असताना ही घटना घडली. सोबत आलेल्या भक्तांना आणि समर्थकांना ते मायक्रोफोनद्वारे संबोधित करत होते. दरम्यान, कोणीतरी फुलांसह मोबाईल फेकून मारला आहे, तो आम्हाला सापडला असल्याचे त्यांनी सांगितले.

धीरेंद्र शास्त्री यांच्या हिंदू एकता यात्रेचा आज सहावा दिवस आहे. त्यांच्या बागेश्वर धाम ते ओरछा या प्रवासाला जनतेचा मोठा पाठिंबा मिळत आहे. त्याच्यासोबत हजारो लोक चालत आहेत. ज्या मार्गांवरून मोर्चा जात आहे, त्या मार्गांवर फुलांची उधळण करून त्याचे स्वागत करण्यात येत आहे.

यात संजय दत्त आणि ग्रेट खलीही सामील  Dhirendra Shastri ।

21 नोव्हेंबरपासून सुरू झालेल्या बाबांच्या या प्रवासात अभिनेता संजय दत्त आणि द ग्रेट खली यांनीही सहभाग घेतला आहे. याशिवाय भाजपचे सरचिटणीस कैलाश विजयवर्गीय, भाजप आमदार राजेश्वर शर्मा आणि काँग्रेस आमदार जयवर्धन सिंह यांच्यासह अनेक नेत्यांनीही त्यांच्या प्रवासाला पाठिंबा दिला आहे.