Video | पुणे-नाशिक महामार्गावर भररस्त्यात झोपून मद्यधुंद महिलेचा धिंगाणा
Updated On:
आळेफाटा (पुणे) – पुणे नाशिक तसेच नगर-कल्याण महामार्गावर असणाऱ्या आळेफाटा चौकात महिलेने अक्षरशः मद्यधुंद अवस्थेत धिंगाणा घातला. रस्त्यावर झोपून तिने नाशिककडे जाणारी वाहतूक अडवण्याचा प्रयत्न केला. या घटनेचा व्हिडीओ सोशल मीडियावर व्हायरल होतोय.
आळेफाटा येथील एका हॉटेल व्यावसायिक महिलेने मद्यधुंद महिलेच्या तोंडावर पाणी मारून बऱ्याच वेळ तिची समजूत काढण्याचा प्रयत्न केला. ही घटना रविवारी दुपारी साडेबाराच्या सुमारास घडली.
रस्त्यावर झोपून तिने नाशिककडे जाणारी वाहतूक अडवण्याचा प्रयत्न केला. त्यामुळे बऱ्याच वेळ महामार्गावरील वाहतूक विस्कळीत झाली होती.
ही नेमकी कोण महिला आहे, याबाबतदेखील अद्याप माहिती समोर आलेली नाही. महामार्गावर महिलेने घातलेल्या धिंगाण्याची मात्र सर्वत्र चर्चा रंगली.
