झोपेतच काळाचा घाला ! मध्यप्रदेशमध्ये घराला भीषण आग ; दोन चिमुरड्यासह संपूर्ण कुटुंबाचा होरपळून मृत्यू
Dewas House Fire । मध्य प्रदेशातील देवासमध्ये भीषण अपघात झाला. देवास शहरातील नयापुरा भागात एका कुटुंबावर झोपेत असताना काळाने घाला घातला आहे. मदन सोलंकी नावाच्या व्यक्तीच्या घरात भीषण आग लागली. ही घटना पहाटे 4.30 वाजता घडली ज्यावेळी हे कुटुंब गाठ झोपेत होते.या आगीत घरातील ४ जणांचा होरपळून मृत्यू झाला असल्याचे संगणयत आहे. या घटनेची माहिती मिळताच महापालिकेच्या अग्निशमन दलाच्या तीन गाड्या घटनास्थळी दाखल झाल्या असून आगीवर नियंत्रण मिळवण्याचे प्रयत्न सुरू आहेत.
एकाच कुटुंबातील ४ जणांचा मृत्यू Dewas House Fire ।
या आगीत गुदमरून चार जणांचा मृत्यू झाला आहे. मृतांची नावेही समोर आली आहेत. मृत्युमुखी पडलेल्यांमध्ये दिनेश सुतार, गायत्री सुतार, इशिका (10) आणि चिराग (7) होता. या घरात दिनेश आपल्या कुटुंबासह राहत होते. घराच्या तळमजल्यावरच एक डेअरी सुरू होती, त्यातच आगीने रौद्र रूप धारण केले. काही वेळातच आग संपूर्ण इमारतीत पसरली. या अपघातात दुसऱ्या मजल्यावर राहणारे पती, पत्नी आणि दोन मुलांचा दुर्दैवी मृत्यू झाला. देवास नगरपालिकेच्या अग्निशमन दलाच्या तीन गाड्यांनी आग आटोक्यात आणली.
आगीचे कारण सध्या समजू शकले नाही Dewas House Fire ।
दिनेश हा व्यवसायाने सुतार होता आणि घराच्या तळमजल्यावर दुग्धशाळाही चालवत होता. आगीचे कारण सध्या समजू शकलेले नाही. देवासचे पोलीस अधीक्षक पुनीत गेहलोद यांनी सांगितले की, ज्या घरात आग लागली ते घर मदन सोलंकी यांचे आहे. ही घटना शनिवारी पहाटे चार ते साडेचारच्या दरम्यान घडली.
या वर्षाच्या सुरुवातीला, राज्यातील हरदा जिल्ह्यात फटाक्यांच्या कारखान्यात झालेल्या स्फोटात किमान 11 जणांचा मृत्यू झाला होता आणि 100 हून अधिक जण जखमी झाले होते. स्फोटाची तीव्रता एवढी भीषण होती की, कारखान्याजवळील 50 हून अधिक घरांना स्फोट झाला. कारखान्यात मोठ्या प्रमाणात गनपावडर असल्याचेही सांगण्यात आले, त्यामुळे हा स्फोट झाला.
