Devendra Fadnavis : पुणे पदवीधर व शिक्षक मतदार संघातील महायुतीच्या उमेदवारांना कोल्हापूरकरांनी सर्वाधिक मतांनी निवडूण द्यावे, महायुतीच्या दोन्ही उमेदवारांच्या पाठीशी महाराष्ट्र शासन खंबीरपणे उभे राहून मतदारांच्या आशा, अपेक्षा निश्चतपणे पूर्ण करेल, अशी ग्वाही मुख्यमंत्री देवेंद्र फडणवीस (Devendra Fadnavis) यांनी दिली.

पुणे पदवीधर व शिक्षक मतदार संघातील महायुतीचे उमेदवार अनुक्रमे डॉ. स्मिता जाधव व कौस्तुभ गावडे यांच्या निवडणुकीच्या प्रचारासाठी धैर्यप्रसाद हॉल येथे आयोजित केलेल्या मेळाव्यात मुख्यमंत्री देवेंद्र फडणवीस (Devendra Fadnavis) बोलत होते.

या मेळाव्यास उच्च व तंत्रशिक्षण मंत्री चंद्रकांत पाटील, वैद्यकीय शिक्षण मंत्री हसन मुश्रीफ, महापौर खासदार धनंजय महाडिक, आमदार सर्वश्री अमल महाडिक, राहूल आवाडे, अशोक माने, राजेश पाटील, माजी आमदार प्रकाश आवाडे, सुरेश हाळवणकर, कृष्णराज महाडिक, समित कदम, अभयकुमार साळुंखे, विजय जाधव, राहूल चिकोडे, महेश जाधव, नाथाजी पाटील भैया माने, यांच्यासह पुणे पदवीधर मतदार संघाचे उमेदावार डॉ. महायुतीचे उमेदवार डॉ. स्मिता जाधव, पुणे शिक्षक मतदार संघाचे उमेदवार कौस्तुभ गावडे उपस्थित होते.

कोल्हापूर ही क्रांतीची तसेच विक्रम प्रस्तापित करणारी भूमी आहे, महायुतीने पुणे पदवीधर व शिक्षक मतदार संघासाठी कोल्हापूरचेच उमेदवार दिले असून या दोन्ही उमेदवारांनी निवडूण देऊन आपले हक्काचे आमदार बनवा असे आवाहनही मुख्यमंत्री देवेंद्र फडणवीस यांनी केले.

मुख्यमंत्री देवेंद्र फडणवीस पुढे म्हणाले की, राज्य शासनाने महाराष्टाच्या सर्वागिण विकासासाठी अनेकविध क्रांतीकारी निर्णय घेतल आहेत, सामान्य माणूस तसेच शेतकरी डोळयसमोर ठेऊन काम गतीने सुरु आहे.

कोल्हापूर, सांगलीला दरवर्षी भेडसावणाऱ्या महापुराच्या संकटातून बाहेर काढण्यासाठी महापुराचं पाणी दुष्काळी भागात नेण्यासाठी योजना आणली आहे, त्यासोबतच कृषि, सिंचन, उद्योग, शिक्षक व शिक्षणक्षेत्राबाबात भरिव काम केल्याचेही त्यांनी यावेळी जाहीर केले. तसेच राज्यात भायाभूत सुविधांची मोठी गुंतवणूक केल्याने मोठमोठे उद्योग येत असून राज्याच्या आथिक परिवर्तणास मदत होत आहे.

यावेळी उच्च व तंत्रशिक्षण मंत्री चंद्रकांत पाटील, वैद्यकीय शिक्षण मंत्री हसन मुश्रीफ यांनीही आपल्या भाषणात पुणे पदवीधर व शिक्षक मतदार संघातील महायुतीचे उमेदवार अनुक्रमे डॉ. स्मिता जाधव व कौस्तुभ गावडे यांना भरघोष मतांनी निवडूण आण्ण्याचे आवाहन केले.

यावेळी भैया माने, डॉ. स्मिता जाधव व कौस्तुभ गावडे यांनीही आपली भाषणे केली. प्रारंभी भाजपाचे शहराध्यक्ष विजय जाधव यांनी स्वागत केले तर नाथाजी पाटील यांनी आभार मानले. मेळाव्यास अनेक मान्यवर तसेच पदाधिकारी व नागरिक मोठया संख्येन उपस्थित (Devendra Fadnavis) होते.