Priyanka Chopra : कल्की २८९८ एडी २ या चित्रपटातून अभिनेत्री दीपिका पदुकोण बाहेर पडल्यानंतर बॅालिवूडची देसी गर्ल प्रियंका चोप्रा या चित्रपटाचा भाग असेल अशी चर्चा आहे. मात्र, मीडिया रिपोर्ट्नुसार, निर्मात्यांना प्रियंकाला चित्रपटात साइन करण्यासाठी मोठी अडचण निर्माण झाली आहे. याबाबत आता एक मोठी माहिती समोर आली आहे. २०२४ मध्ये दीपिका पदुकोण “कल्की २८९८ एडी” चित्रपटात झळकली होती. या चित्रपटाचा सिक्वेलवर काम सुरू झाले असून दीपिका या चित्रपटातही दिसणार होती, परंतु निर्मात्यांनी इंस्टाग्रामवर एक पोस्ट शेअर करत दीपिका या चित्रपटाचा भाग नसल्याची मोठी घोषणा केली. त्यानंतर या चित्रपटात अभिनेत्री प्रियंका चोप्राच्या नावाची जोरदार चर्चा सुरू झाली आहे. पण अशातच आता देसी गर्लला साइन करणे निर्मात्यांसाठी सोपे असणार नाही. “कल्की २” मध्ये दीपिका पदुकोणची जागा प्रियंका चोप्राने घेतल्याच्या बातम्या समोर येत असून, या बातम्यांदरम्यान आता असे वृत्त आहे की प्रियांका चोप्राची कल्की २ मध्ये एन्ट्री अशक्य वाटत आहे. बॉलिवूड हंगामाच्या वृत्तानुसार, प्रियंका चोप्रा या चित्रपटासाठी चर्चेत असली तरी, तिने कामाच्या शिफ्टच्या वेळेत लवचिकता मागितली आहे. यामुळे चित्रपटकर्मेंची अडचण निर्माण झाली आहे. वृत्तानुसार, प्रियंका चोप्रा व्यतिरिक्त, इतर अभिनेत्री देखील या चित्रपटात दीपिका पदुकोणची जागा घेण्याच्या शर्यतीत आहेत. या भूमिकेसाठी आलिया भट्ट आणि साई पल्लवी सारख्या अभिनेत्रींचाही विचार केला जात आहे. रिपोर्ट्सनुसार निर्माते प्रभासच्या स्टार पॉवरच्या बाबतीत अशा अभिनेत्रीला कास्ट करण्याचा विचार करत आहेत जी बरोबरीची असेल. त्यामुळे कल्की २ देसी गर्ल प्रियंकाचे नाव आघाडीवर असले तरी, प्रियंकाला चित्रपटात कास्ट केले जाते की आणखी कोणत्या अभिनेत्रीला संधी देण्यात येते हे पाहणे महत्वाचे असणार आहे. हेही वाचा : दोन्ही राष्ट्रवादी एकत्र येणार? शरद पवारांनी शशिकांत शिंदेंना फोन फिरवला अन्…; प्रशांत जगताप यांनी चित्रचं स्पष्ट केलं
